भांगरभूंय | प्रतिनिधी
-उदकास्रोत खात्यान दाखल केल्ली अवमान याचिकापणजीः राज्य सरकाराचे मागणे उपरांत म्हादय पात्राची परतून तपासणी करपा विशीं केंद्रा कडल्यान कायदेशीर सल्लो घेवपाचो निर्णय घेतले उपरांत प्रवाह समितीन म्हादय प्रस्ना विशीं गोंय सरकाराक सादर केल्लीं कांय कागदपत्रां सर्वोच्च न्यायालयान मागिल्लीं. ते प्रमाण कर्नाटका आड अवमान याचिका आनी उदका पुरवण लवादाच्या निमाणो निर्णया विशींचीं कागदपत्रां समिती कडेन सादर केल्यात, अशें उदकास्रोत खात्याच्या सुत्रांनी आमच्या प्रतिनिधी कडेन उलयतना सांगलें.
कांय दिसां आदीं गोंयांत जाल्ले बसकेंत राज्य सरकारान समिती कडेन परतून एक फावट म्हादय पात्राची तपासणी करची अशी मागणी केली, कारण म्हादय पात्राची पळोवणी केले उपरांत प्रवाह समितीन सादर केल्ल्या अहवालांत म्हादयचें उदक बेकायदो घुंवडावपाचें संकेत ना अशें विरोधकांनी सांगिल्लें. पूण कर्नाटकान गोंयचें मागणेक विरोध केलो. ते उपरांत परतून तपासणेचे मागणे विशीं केंद्रा कडल्यान कायदेशीर सल्लो घेतले. ते उपरांतच गोंयचें मागणेचेर निर्णय जातलो अशें समितीन स्पश्ट केल्लें. समितीन कायदेशीर सल्ल्या विशीं गोंया कडल्यान कांय म्हत्वाचीं कागदपत्रां मागल्यात, ते प्रमाण ती उदकास्रोत खात्यान सादर केल्यात अशें सुत्रांनी सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
