भांगरभूंय | प्रतिनिधी
म्हापशें: कामुर्लेच्या कोस्तावाड्यार एका घराचेर माड पडिल्ल्यान घराची मोडतोड जाली. सुदैवान कोणाक मार लागूंक ना. माडाच्या मुळांत उजो घाल्ल्यान ही दुर्घटणा घडली.
आयतारा मध्यानरातीर ही दुर्घटणा घडली. म्हापशें उजो पालोवपी दळाक मध्यानरातीर 12.05 वरांचेर दुर्घटणेची म्हायती मेळटाच दलाचे जवान घडणुकेचे सुवातेचेर दाखल जाले आनी तांणी मजत वावर सुरू केलो.
हो माड नीरा शिरोडकार हांच्या घराचेर कोसळ्ळो. माड पडलो तेन्ना घरांतलीं सगळीं दुसरे कुडींत न्हिदिल्लीं. तो माड जुस्त घराच्या चौकाच्या पाख्यार कोसळिल्ल्यान कोणाकूच दुखापत जावंक ना. मात घराच्या नळ्यां सयत पाख्याचें आनी हेर साहित्याचें लुकसाण जालें.
हे दुर्घटणेंत घराचें सुमार 60 हजारांचें लुकसाण जालां. जाल्यार एक लाख रुपयांची मालमत्ता वाटायल्या, अशें उजो पालोवपी दळान सांगलें. ज ल्यार आपलें 5 ते 6 लाख रुपयांचें लुकसाण जाल्ल्याचो दावो घरधनयान केला. तशेंच प्रशासनान अर्थीक भरपाय दिवची, अशी तांणी मागणी केल्या. मजगतीं पडिल्ल्या माडाच्या मुळांत कोणेतरी उजो घाल्लो. ताका लागून तो माड पडलो, अशें कांय जाणांचें मत आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
