भांगरभूंय | प्रतिनिधी
वाॅशिंग्टन, खबरां संस्था : मनशाचो कामाचो वेळ कितलो आसचो? मायक्रोसॉफ्टच्या बिल गेट्सान हे विशीं म्हत्वाची टिप्पणी केल्या. कामाचें तीन दिसांचें सप्तक आसल्यार बरें. एआय विशींय टिप्पणी केल्या. तशेंच एआय विशींच तांणी सांगलें. एआयक लागून तुमची नोकरी बदलतली हें नक्की. अशेंय बील गेट्स हांणी सांगलें.
सप्तक तीन दिसांचें आसल्यार कितें हरकत आसा?
बिल गेट्स हांणी, तीन दिसांचें सप्तक आशिल्लें तरीय कांयच हरकत ना. एका पॉडकास्टांत बील गेट्स हांणी म्हणलें. नोकर्यां मदीं एआय सारकिल्लें कृत्रीम तंत्रज्ञान येता, अशें विचारलें तेन्ना बिल गेट्स हांणी एक दीस असोय येवपाक शकता, जेन्ना खूब मेहनत करची पडटचीना. आमचे जिणेंत अशीय वेळ येवपाक शकता सप्तकांतले तीन दीस काम केलें.
कांय दिसां पयलीं इन्फोसिसचे नारायण मुर्ती हांणी तरणाट्यांनी ७० वरां काम करपाक जाय अशें म्हणिल्लें. ताचे उपरांत आतां बिल गेट्स हांचें हें वक्तव्य चर्चेंत आयलें.
एक असोय संवसार आसूं येता, जंय अन्न मशीनां वरवीं तयार करतले, जिणेंतल्यो गरजेच्यो वस्तू तयार करतले आनी लोकांक सप्तकांतले पांच दीस काम करचे बदला फकत तीन दीस काम करचें पडटलें. एआय विशीं बिल गेट्स हांणी सांगलें की ताचो परिणाम नक्कीच व्हड आसतलो. पूण मनशाचें काम एआय सोंपचें ना. तशेंच काम करपाचे पद्दतींत बदल जातले वा फरक म्हणूं येता अशें बिल गेट्स हांणी सांगलें. बिल गेट्स हो एकलोच वेवसायीक न्हय, जाका लोकांक अल्पकाळ काम करपाक दिवपाक हरकत ना. जेपी मॉर्गनाचे सीईओ जेमी डिमोन हांणीय साडेतीन दिसांचें सप्तक आनी बाकीच्यो विश्रांतीच्यो सुटयो आसतल्यो अशें निवेदन केलां.
इन्फोसिसचे संस्थापक नारायण मुर्ती हांणी तरणाट्यांनी सप्तकांतल्यान ७० वरां काम करपाचो विचार करचो अशी टिप्पणी केल्या उपरांत ऑनलायन वाद निर्माण जाला. भारताची कामाची उत्पादकता संवसारांतल्या सगळ्यांत उण्या उत्पादनांत आसा आनी देशाची उदरगत सुनिश्चीत करपा खातीर तरणाट्यांनी सप्तकांतल्यान उण्यांत उणीं ७० वरां काम करचें पडटलें अशें मुर्ती हांणी ह्या पॉडकास्टांत सांगिल्लें. नारायण मुर्तीच्या ह्या विधानाचेर वाद चालू आसतना सुधा मुर्तीन ट्रोलरांक जाप दिली की नारायण मुर्ती स्वता सप्तकांत ८० ते ९० वरां काम करतात. हेर कांय वेवसायीकांनीय मुर्तीच्या निवेदनाक मान्यताय दिली जाल्यार कांय जाणांनी ताका विरोध केलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
