भांगरभूंय | प्रतिनिधी
भांगरभूंय । खेळां मेज
पणजीः खेळां खात्यान आयोजीत केल्ल्या विद्यार्थिनींच्या अंडर 19 टग ऑफ वॉर सर्तीचें वस्तादपण कुर्टी फोंड्याच्या कामाक्षी उच्च माध्यमीकच्या पंगडान मेळयलें. काम्पाल मैदानार जाल्ले फायनलींत तांणी कांदोळेच्या सेंट तेरेझा उच्च माध्यमीक पंगडाक 2-0 पूल्सान हारयलें.
सर्तीचो तिसरो नंबर कुजिरा हांगच्या हेडगेवार उच्च माध्यमीक विद्यालयान मेळयलें. ताणी गुडी पाड्ड्याच्या दामोदर उच्च माध्यमिकाक 2-0 अशें हारयलें. कामाक्षी उच्च माध्यमिकचें प्रतिनिधित्व श्रृंगी तारी,तिर्था नायक,स्वेना डायस,बंदना सुमन,रजल म्हापणकार,इंदू नायक,साईली कडेकार,सिध्दी गावडे आनी तेजल गावडे हांणी केलें. पीटी शिक्षक लुईस वाझचें प्रशिक्षण पंगडाक मेळ्ळें, .सर्त विवेकानंद तंबीच्या देखरेखीखाला जाली. . कामाक्षी उच्च माध्यमीक विद्यालयाचो अध्यक्ष विनायक सदा नायक आनी प्राचार्य परमेश्वर भट हाणे पंगडाक परबीं भेटयली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
