भांगरभूंय | प्रतिनिधी
खेळां खात्यान आयोजीत केल्ले 19 वर्सां पिराये सकयले चलयांचे आंतर उच्च माध्यमीक पांवड्या वयले टग ऑफ वॉर सर्तीचें वस्तादपण कुर्टी फोंडेंच्या कामाक्षी उच्च माध्यमिकान मेळयलें.
फायनलींत ताणें उत्तर गोंय जैतिवंत कांदोळीच्या सेंट तेरेझा उच्च माध्यमुक स्कुलाच्या पंगडाक 2-0 अशा फरकान हारयलो. फायनल कांपाल मैदानाचेर जाली.
तिसरी सुवात कुजिराच्या डॉ. के बी हेडगेवार उच्च माध्यमिकाक फावो जाली. ताणें गुडी पाड्डेंच्या दामोदर उच्च माध्यमिका आड 2-0 जैत जोडलें. कामाक्षी उच्च माध्यमिकाच्या पंगडाचें प्रतिनिधित्व श्रुंगी तारी, तिर्था नायक, स्वेना डायस, बंदना सुमन, रजल म्हापणकार, इंदू नायक, साईली कडेकार, सिद्धी गावडे आनी तेजल गावडे हांणी केलें. पंगडाक खेळां शिक्षक लुईस वाझाचें प्रशिक्षण लाबलें. सर्त विवेकानंद तंबीच्या देखरेखेखाला जाली.
पंगडाक कामाक्षी उच्च माध्यमीक विद्यालयाचे अध्यक्ष विनायक नायक आनी प्राचार्य परमेश्वर भट हांणी परबीं भेटयली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
