भांगरभूंय | प्रतिनिधी
पणजी : पावसाळी अधिवेशनाचें कामकाज निश्चीत करपा खातीर येत्या मंगळारा कामकाज सल्लागार समितीची बसका जातली. येत्या 15 जुलया सावन विधानसभेचें पावसाळी अधिवेशन सुरु जाता.
विधानभवनात मंगळारा सकाळी 11.30 वरांचेर बसकेक सुरवात जातली, अशी म्हायती विधानसभा सचिव नम्रता उल्मन हाणी दिली.
सभापती रमेश तवडकर हांचे फुडारपणा खाला जावपी बसकेक मुख्यमंत्री डॉ. प्रमोद सावंत, विरोधी पक्ष फुडारी युरी आलेमाव, आमदार विजय सरदेसाय आनी कामकाज सल्लागार समितिचे हेर वांगडी हाजीर आसतले.
आसगांव घर मोडपा प्रकरणी ड़ीजीपीची भुमिका, कला अकादमी नुतनीकरण घुस्पा गोंदळ, स्मार्ट सिटीचीं बाबत कामां हे मुद्दे विरोधी पक्ष अधिवेशनात मांडटले. हे अधिवेशन चड दीस चलपाचें आशिल्ल्यान सरकाराचो कस लागतलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.