भांगरभूंय | प्रतिनिधी
तियात्र अकादमीची 16 वी कोंकणी कातारां गायन सर्त
भांगरभूंय । खबरां मेज
पणजी : गोंय तियात्र अकादमीन आयोजीत केल्ली 16 वी कोंकणी कातारां गायन सर्त ‘कातारांचें दायज’ सोमारा मडगांवच्या रवींद्र भवनांत जाली. सर्तींतल्या ज्युनियर आनी सिनियर अश्या दोनूय गटांतल्या स्पर्धकांनी कातारां सादर करून आपली कला दाखयली.
कार्यावळीक मुखेल सोयरे म्हूण नावेलीचे आमदार उल्हास तुयेंकार हाजीर राविल्ले. तांणी तियात्र अकादमीच्या उपक्रमाचें कवतूक केलें.
तियात्रान गोंय आनी कोंकणीची वळख सांबाळपांत व्हड योगदान दिलां. फुडारांत गोंयांतले मूळ गोंयकार भायल्यान येवपी लोकांचे तुळेंत अल्पसंख्य जावपाक शकतात. ताका लागून कोंकणी भास सांबाळचे खातीर तियात्रा सारके माचयेचें म्हत्व चड आसा. आमचें सरकार हे खातीर बांदील आसा. युनेस्कोच्या दायज दर्जा खातीर लेगीत आमी पुराय तेंको दिला, अशें तुयेंकार हांणी स्पश्ट केलें.
वरिश्ठ तियात्रिस्ट अँथनी सेन हांणी तरणाट्यांक कातारांची परंपरा सांबाळून आपले कला कुशळटायेचेर लक्ष केंद्रीत करपाचो उलो मारलो. नामनेचे गायक एडवीन डिसोझा हांणी नव्या गीत रचनांक उर्बा दिवची, अशें मागलें.
तियात्र अकादमीचे उपाध्यक्ष मार्कोस गोन्साल्वीस हांणी येवकाराच्या उलोवपांत तरणाट्यांनी कातार बरोवप आनी ताका चाल लावचे खातीर फुडाकार घेवचो अशें सांगलें. तशेंच तियात्र अकादमी तांकां सगले तरेची मजत करतली, अशेंय सांगलें.
सर्तीचें परिक्षण एडवीन डिकॉस्टा, चित्रा आफोंसो उर्फ शिरवयकार आनी एलियास हांणी केलें. ज्येश्ठ तियात्रिस्ट सी. डी. सिल्वा तशेंच तियात्र अकादमीचे वांगडी अविटो पिरेस डी मिनेझीस, जीसस अँटाओ, सायमन रेबेलो, अंटोनियो रॉड्रिग्स, जोआकीम डायस, पिटर वाझ हांचे सयत साबार मानेस्त ह्या वेळार हाजीर आशिल्ले.
सर्तीचो निकाल फुडें दिल्ले प्रमाण. ज्युनियर गट. उत्कृश्ट ड्युयेट पयलें इनाम- डेलॉन आनी डोल्फिया सुझा आनी दुसरें इनाम- रोशमर क्रूझ फर्नांडीस आनी रियाना फर्नांडीस.
उत्कृश्ट डुओ पयलें इनाम- नायरा लिव्हिया फर्नांडीस आनी न्यासा ग्रेचेन फर्नांडीस, दुसरें इनाम- रुबेन लुई फर्नांडीस आनी मेझिओह अलेक्सियस गोम्स.
उत्कृश्ट ट्रियो पयलें इनाम- न्यासा, नायरा आनी नेव्हान, दुसरें इनाम- जॅझेल, नश्वा आनी कॅसियस.
उत्कृश्ट चवको पयलें इनाम- रोशमेट, रेआना, शौनीन आनी रिझिया, दुसरें इनाम- अबिएल, जानिया, वनैशा आनी एंजल.
उत्कृश्ट कोरल पयलें इनाम- अहील, जानिया, शौनीन आनी वनैशा, दुसरें इनाम- जॉलीन, जेनेट, शेल्डन आनी सॅन्सिया.
सिनियर गट. उत्कृश्ट ड्युएट पयलें इनाम- जोनास अल्बर्ट रेगन वाझ आनी अँले बार्बोसा, दुसरें इनाम- ॲशबेन कार्डोझो आनी अँड्रिया पर्ल सिल्वा.
उत्कृश्ट डुओ पयलें इनाम- एस्थर आनी शायन रॉड्रिग्ज, दुसरें इनाम- अंझिया मारिया फर्नांडीस आनी मर्सी डायस.
उत्कृश्ट ट्रियो पयलें इनाम- आरोन, लेझियो आनी प्रियांका, दुसरें इनाम- ॲशबेन, दिनोरा आनी अँड्रिया.
उत्कृश्ट चवको पयलें इनाम- मारिया, ट्विंकल, मर्सी आऩी शॅनन, दुसरें इनाम- सेबॅस्टिओ, अलिशा, अंश साई आनी कोसिया.
उत्कृश्ट कोरल पयलें इनाम- कोसिया, अलिशा, जॉयसन आनी होली, दुसरें इनाम नताशा आनी मारिशा. उत्कृश्ट कातार- पयलें इनाम- बीग मॅक मॅथ्यू आनी दुसरें इनाम अश्बेन कार्डोझो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
