भांगरभूंय | प्रतिनिधी
काणी यमराज यमेची
मोगाची आनी मायेची
भाव-भयणीच्या नात्याची
पवित्र दीस भावाबिजेची
म्हज्या घरांत तूं केन्नाच येना
असो भयणीचो आरोप आशिल्लो
पूण आयज तूं आमगेर येतलो
यमेन यमराजाक सोपूत दिल्लो
भाव चितनांनी पडलो
विचार करूक लागलो
तिच्या घरा घेल्यार एकल्याचो तरी
आत्मो म्हाका व्हरचो पडटलो
हे येवजून भांबावल्लो
फाटलो सगळो विचार सोडून
भावान मान्य केलें तागेर येवपाचें
विचार करून केन्ना चुकलेंना
जातले आसा जें जावपाचें
आयज येतलो म्हजो भाव
आमच्या घरांत
सजयले घर, करून रोशणाय
रांगोळी काडली दारांत
थारायल्ल्या प्रमाण
तो दीस उदेलो
आपल्या रेड्यार बसून
यमराज भयणीगेर आयलो
आरत उंवाळून भयणीन
भावाचे औक्षण केलें
भावान भेट वस्त दिवन
भयणीक आशिर्वाद दिलो
भयणीन आपल्या भावा कडेन
अशें मागणें केलें
ह्या दिसा भयण आपल्या
भावाक उंवाळटली
त्या भावाची अरिश्टां
पयस जावंदी म्हूण मागलें
यमराजान यमेक वचन दिलें
तुजी इत्सा आसा तशेंच जातलें
भावाबिजेची ही परब
जल्मकाळ मनोवची म्हूण
तथास्तू म्हणलें
भाव-भयणीच्या मोगाचो
अदभूत हो अविशकार
यमराजान आपले भयणीक
यमेक दिल्लें हें वरदान.
अविनाश कुंकळकार
7875237830
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
