भांगरभूंय | प्रतिनिधी
भांगरभूंय । प्रतिनिधी
काणकोणः काणकोण तालुक्यांत 21 मार्चाक जावपी शासकीय पांवड्या वयल्या शिमगो मिरवणुके खातीर वेंचून काडल्ल्या समितीच्या अध्यक्षपदार काणकोणचो आमदार आनी सभापती रमेश तवडकाराक वेंचून काडलां. काणकोण पालिका नगराध्यक्ष रमाकांत नायक गांवकार येवकार समितीचो अध्यक्ष जाल्यार काणकोण पत्रकार संघाचो अध्यक्ष बबेश बोरकाराक कार्याध्यक्ष केलां.
समिती वेंचपा खातीर नगर्से हांगच्या आसरो घराच्या सभाघरांत बसका घेतल्ली. काणकोण पालिका मुख्याधिकारी मधू नार्वेकार ह्या वेळार हाजीर आशिल्ले. समितीचे पदाधिकारी फुडले भशेन- सचीव- सर्वानंद भगत, जोड सचीव सुभाष महाले, विशाल देसाय, भांडारी- नगरसेविका सारा देसाय जोड भांडारी- विनय तुबकी. उपनगराध्यक्ष लक्ष्मण पागी, नगरसेवक शुभम कोमरपंत,लोलयेंचे उपसरपंच चंद्रकांत सुदीर, जिल्हो पंचायत वांगडी शोभना वेळीप आनी शाणू वेळीप हाकां समितींत घेतलां.
येवकार समितीत सगळे नगरसेवक आनी काणकोण तालुक्यांतल्या सगल्या सरपंचाचो आसपाव केला. बसकेंत उलयतना रमेश तवडकरान काणकोणांत शिगमो मिरवणूक बरे तरेन करपाचें उतर दिलें. सोयरू कोमरपंत, शांबा देसाय, दिलीप केंकरे, संजय कोमरपंत, बबेश बोरकर, अजित पैंगीणकर, विशाल देसाय, विनय तुबकी, सारा देसाय, सर्वानंद भगत, लक्ष्मण पागी हांणी सूचोवण्यो मांडल्यो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
