भांगरभूंय | प्रतिनिधी
भांगरभूंय । प्रतिनिधी
काणकोणः काणकोण रेल्वे स्टेशनांत नेत्रावती एक्स्प्रेस आनी गांधीधाम एक्स्प्रेस ह्या दोन रेल्वेंक एप्रिल म्हयन्यां सावन थांबो मेळटलो. कोरोना म्हामारीच्या तेपार हे थांबे बंद केल्ले.
हे थांबें परत सुरू करचे हें खातीर काणकोणच्या जेश्ठ नागरिकांनी आनी हेर लोकांनी आंदोलन केल्लें. काणकोणचो आमदार आनी सभापती रमेश तवडकार आनी काणकोण पालिका मंडळाचो नगराध्यक्ष रमाकांत नायक गांवकार, शांबा देसाय हांणी हालींच केंद्रीय रेल्वे मंत्री आश्विनीकुमार वैष्णव हांची भेट घेवंन थांबे दिवपा संबदीं तांका एक निवेदन सादर केल्लें. एप्रील म्हयन्यां सावंन थाबे दितले अशें रेल्वे बोर्डान रमेश तवडकार हांका एक पत्र धाडून कळयलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
