भांगरभूंय | प्रतिनिधी
काणकोण: नवी दिशा पब्लिकेशन्स, सिटीप्लस गोवा, आरडी मिक्स चॅनल हांणी सुरू केल्ल्या काणकोण मिडिया करंड सर्तीचें उक्तावण काल (बिरेस्तारा) आगोंद पंचायतीचे सरपंच निलेश पागी, थळावे पंचायत वांगडी रामनाथ वेळीप हांचे हाजिरेंत जालें. ह्या वेळार बबेश बोरकार, सर्तीचे पंच अभिजीतत तळेकार, सुजीत राणे, अमेय नायक, क्लेस्टन व्हियेगश हाजीर आशिल्ले.
सुरवेक कुरू बावलो उडोवन काणकोण मिडिया 11 पंगड आनी पाळोळें वॉरियर्स पंगड हांचे मदीं खेळ सुरू जालो. ताचे पयलीं उलयतना सरपंच पागी हांणी सांगलें, काणकोण मिडिया करंड सर्तीचें आयोजन करून काणकोणांतल्या क्रिकेट पंगडांक हे सर्तींत खेळपाची संद मेळ्ळी. व्हड प्रमाणांत इनामां आशिल्ल्यान जैतिवंत पंगडाक आपलो खाशेलो खेळ दाखोवपाची संद मेळटली अशें सांगून तांणी आयोजकांचें अभिनंदन केलें आनी सगले तरेचें सहकार्य दिवपाचें आस्वासन दिलें.
मानेस्तांक धिरज काणकोणकार आनी बर्नाड फर्नांडीस हांणी फुलांतुरो भेटयले. येवकार आनी प्रास्तावीक संजय कोमरपंत हांणी केलें जाल्यार बबेश बोरकार हांणी उपकार मानले. कार्यावळीचे सुत्रसंचालन शशिकांत पैंगीणकार हांणी केलें.
काणकोण पांवड्या वेले हे सर्तींत काणकोण मिडिया 11, पाळोळें वॉरियर्स, रॉयल वॉरियर्स, जय मल्हार, जन सेना, फस्काळी बॉयज, मांडवी, हैंडफायटर्स, पार्वती परिवार, आर्या स्ट्रायकर्स, लंडन बॉयज, चंदन तस्कर ह्या पंगडांनी वांटो घेतला.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
