भांगरभूंय | प्रतिनिधी
भांगरभूंय । प्रतिनिधी
काणकोणः खेळ आनी युवा वेव्हार खात्यान आयोजीत केल्ले विद्यार्थिनीचे अंडर 14 आनी अंडर 17 फुटबॉल सर्तींत आंगोदच्या सेंट ऍनीस इन्स्टिट्यूट पंगडान वस्तादपण मेळयलें. अंडर-14 सर्तीचे फायनलींत ताणे गालजीबागच्या सेंट अँथनी हायस्कुलाक 4-1 अशें हारयलें.
देवाबाग मैदानार जाल्ले फायनलींत गुनियाद फर्नांडीसान सेंट अनीसाचो पयलो गोल केलो. अनया फर्नांडीसान दुसरो गोल करून 2-0 अशी आघाडी घेतली. दुसऱ्या हाफांत सेंट अँथनीच्या पंगडान आपलो एकसुरो गोल केलो. मात अनया फर्नांडीस आनी चॅरील फर्नांडीसान गोल करून आघाडी 4-1 अशी केली आनी पंगडाक वस्तादपण मेळोवन दिलें.
अंडर- 17 सर्तींत सेंट अनीसाच्या पंगडान गोवळ- खोला हांजच्या सरकारी हायस्कूल पंगडाक एकसुऱ्या गोलान हारोवन वस्तादपण मेळयलें. सायली पागीन व्हो म्हत्वाचो गोल केलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
