भांगरभूंय | प्रतिनिधी
सभापतींनी आपयली ताकतिकेची बसका
काणकोण: श्रीस्थळ पंचायत वाठारांत आशिल्ली श्रीस्थळ उद्देगीक वसणुकेंतली ऊसाच्या मळीची भरून दवरिल्ली मोटी टांकी फुटपाची शक्यताय आसून ही टांकी फुटल्यार जैवविविधताय घाताक येवपा बराबरच तळपण, गालजीबाग न्हंयो प्रदुशीत जावपाची शक्यताय आसा. तशेंच शेजराक आशिल्ल्या लोकांक ह्या मळीच्या वासाक सामकार वच्चें पडटलें.
मळीन भरिल्ली ही टांकी एके वटेन बागवल्या आनी टांकयेंतल्यान आवाज येत आशिल्ल्यान मळीक लागून तयार जाल्ल्या गॅसाक लागून टांकी फुटपाची शक्यताय थळाव्या लोकांनी उक्तायली. हे विशींची म्हायती काणकोणचे आमदार रमेश तवडकार हांकां दिले उपरांत तांणी हे टांकयेचे सुवातेर भेट दिवन पळोवणी केली आनी गंभीरताय लक्षांत घेवन आयज (बिरेस्तारा) ताकतिकेची आपत्कालीन वेवस्थापना कडेन संबंदीत अधिकाऱ्यां बराबर बसका आपयल्या. ही टांकी एका अल्कोहोल निर्मीत धनयाची आसा. अल्कोहोल निर्मिती प्रकल्प बंद पडिल्ल्यान ही मळीची टांकी सद्या लोकांक घातक थारल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
