भांगरभूंय | प्रतिनिधी
काणकोण : देळे-शेटकरवाडो काणकोणां हालींच बांदिल्ल्या गणेश विसर्जन तळ्यांत बुडून एके ७४ वर्सां पिरायेचे जाण्टे बायलेक मरण आयलें. लक्ष्मी लक्ष्मण शेट (७४) अशें ते बायलेचें नांव. ही घडणूक शुक्रारा दनपारच्या सुमार १२.३० वरांचेर घडली.
हे विशीं मेळिल्ले चड म्हायती प्रमाण, लक्ष्मी शेठ ही सुपार्यो एकठांय करपा खातीर त्या तळ्या कडेन गेल्ली. लक्ष्मी शेठ ही तळ्यांत बुडिल्ल्याची म्हायती पुलिसांक मेळटांच ते रोखडेच घडणुके सुवातेर पावले. पुलिसांनी घडणुके सुवातेर येवन पंचनामो केलो. उपरांत ते बायलेची कूड पोस्टमार्टमा खातीर धाडली. आजून तिच्या मरणाचें कारण स्पश्ट जावंक ना. कलम १९४ बीएनएसएस खाला हो गुन्यांव दाखल केला. काणकोण पुलीस निरीक्षक हरीश राऊत देसाय हांच्या मार्गदर्शना खाला पुलीस फुडलो तपास करतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
