भांगरभूंय | प्रतिनिधी
भांगरभूंय । प्रतिनिधी
काणकोणः काणकोण तालुक्यांत येवपी पर्यटकांक हॉटेलवाले खाजगी दुचाकी आनी चार चाकी वाहना भाड्यान दितात हाका जांचे कडेन भाड्यान वाहनां दिवपाचे परवाने आसात, तांणी आक्षेप घेतला. ताका लागून काणकोणात सध्या परवाने धारक आड खाजगी वाहन धारक असो संघर्श चलिल्लो दिश्टी पडटा.
एका वेवसायिकान दिल्ले म्हायती प्रमाण दर्या देगांनी चडश्या जाणां कडेन 10 तें 15 भाड्यान दिवपाची वाहनां आसतात. वाहना भाड्यान दिवपा खातीर येरादारी खात्यांत बाराशें रुपया कर भरचो पडटा. शिवाट वर्साक 2800 तें 3000 रुपयां मेरेन विमो आनी दोन वर्सां उपरांत पासिंग, पांच वर्सां उपरांत परवान्याचें नूतनीकरण करचें पडटा. कांय जाण पर्यटकांक खाजगी वाहनां कमी दरान भाड्यान दितात. ताका लागून परवाने आशिल्ल्यांक कमी प्रमाणांत भाडीं मेळटात.
काणकोण पुलिसांनी भाड्याची वाहना घेवंन भोंवपी पर्यटकां कडेन वाहना कोणा कडल्यान घेतल्यांत ताची चवकशी करची अशी कायदेशीर मार्गान वाहनां भाड्यान दितात ताची मागणी आसा. खाजगी वाहनां घेवपी पर्यटक आनी तीं दिवपी धनयांचेर कारवाय करची अशीच तांची मागणी आसा.
मुख्यमंत्री डॉ प्रमोद सावंत हांणी पर्यटकांक परवाने धारक वेवसायिकांनी वाहनां दिवपाक जाय आनी जे कोण आपलीं खाजगी वाहनां दितात ती जप्त करपाचो आदेश पुलीस आनी येरादारी खात्याक दिला.काणकोण तालुक्यांत ह्या आदेशाक पाळो दिनात अशी परवाने धारक वाहन वेवसायिकांची कागाळ आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
