भांगरभूंय | प्रतिनिधी
काणकोण : काणकोण, मुठाळ, सादोळशेंचे बासिलिओ कुतिन्हो हांच्या घरांतले रांदचे कुडींत उजो लागून ते जखमी जाल्ले. उपरांत तांकां काणकोणच्यान मडगांवच्या दक्षीण गोंय जिल्लो हॉस्पिटलांत दाखल केल्ले. मात आयज उपचार चालू आसतना तांकां मरण आयलें.
हे विशीं काणकोण पुलिसांनी दिल्ले म्हायती प्रमाण, रांदचे कुडींतल्या लायटीच्या उपकरणांत जाल्ल्या शॉर्ट सर्किटाक लागून हो उजो लागिल्लो. उजो लागिल्लो तेन्ना ते घरांत एकटे आशिल्ले. घरांतल्यान धुंवर येता तें पळोवन थळाव्यांनी तांच्या घरांत धांव घेतली. घरांत वचून पळयल्यार कुतिन्हो उज्यांत लाशिल्ले. उपरांत तांकां रोखडेच हॉस्पिटलांत दाखल केले. हे विशीं काणकोण पुलीस अदीक तपास करतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
