भांगरभूंय | प्रतिनिधी
भांगरभूंय । प्रतिनिधी
काणकोणः काणकोण तालुक्यांत कोवीड केशी वाडपाक लागल्यात. बिरेस्ताराक आरटीपीसीआर खातीर धाडल्ल्या चार जाणांतल्या तिगांचे अहवाल पॉझिटिव्ह आयिल्ल्यान तालुक्यांतल्या कोवीड दुयेंतींचो आंकडो 22चेर पावला. सरासरी दिसपट्टे तीन ते चार जाणा पॉझिटिव्ह सांपडपाक लागल्यात अशी म्हायती सूत्रांनी दिली.
जोर येता म्हणून काणकोणच्या भलायकी केंद्रांत हाडिल्ल्या एका विद्यार्थ्यांक कोविडाची लागण जाल्ल्याचें स्पश्ट जाल्ल्यान तो वता त्या शाळेंतल्या हेर विद्यार्थ्याची तपासणी करपाचें थारायलां. गोंयांत कोवीड संसर्ग परत वाडपाक लागल्ल्यान लोक आपूण जावंन कोवीड चांचणी करपाक येतात काय किदें अशी चवकशी भलायकी केंद्रांतल्या कोवीड चांचणी केंद्रांत केली तेन्ना सद्याक तरी जांकां खोखली आनी जोराची लक्षणां दिसतात ते तपासून घेवपाक येतात अशी म्हायती मेळ्ळी.
आतां मेरेन ज्यो 22 केशी सांपड्यांत तांकां सादो जोर येता. ताकां सात दीस घरांत वेगळे रावपाक सांगलां आनी सात दिसां परच चड दीस जोर आयल्यार आनीक तीन दीस वेगळें रावपाक सागलां अशी म्हायती भलायकी केंद्रांतल्या एका दोतोरान दिली. खंयच्या एके सुवातेर संसर्ग वाडिल्लो ना. ज्यो केशी मेळ्ळ्यात त्यो संबंद तालुक्यांतल्यो आसात. चडश्या लोकांनी कोवीड वासिना घेतिल्ल्यान संसर्ग तितलो खर ना . लोकाक मास्क वापरपाचो आनी सामाजीक अंतर पाळपाक सांगलां अशेंय दोतोरान सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
