भांगरभूंय | प्रतिनिधी
काणकोण: छत्रपती शिवाजी महाराज हांचे विशीं आक्षेपार्ह उलोवप केल्ल्या प्रकरणांत अॅड. उदय भेंब्रे हांचे आड काल (मंगळारा) काणकोणच्या तीन संघटणांनी काणकोण पुलीस स्टेशनार कागाळी नोंद केल्यात.
हिंदवी स्वराज संघटणा, शिवस्मारक समिती काणकोण आनी अखील गोमंतक क्षत्रीय मराठा समाज संघटणा काणकोण, ह्या तीन संघटणांचो आस्पाव आसा.
हिंदवी स्वराज संघटणे वतीन काणकोण पुलीस स्टेशनाचे उपनिरिक्षक बाबू देसाय हांचे कडेन कागाळ दितना दिलखूश शेट, सम्राट भगत, सिद्धार्थ च्यारी, सिद्धार्थ देसाय, बबेश बोरकार, किरण नायक गांवकार, वैभव फळदेसाय आनी लक्ष्मण शेट हाजीर आशिल्ले.
जाल्यार शिवस्मारक समिती वतीन काणकोणचे पुलीस निरिक्षक हरीश रावत देसाय हांचे कडेन कागाळ दितना नंदीत भगत, सुदर्शन देसाय, दिलीप केंकरे, प्रशांत देसाय, आनंदू देसाय, पुजार भिकर, सतीश गोसावी, हेमंत नायक गांवकार, सुरज नायक गांवकार, धीरज नायक गांवकार, मेघना देसाय, गोविंद देसाय, नंदू पागी, संतोष कोमरपंत, पंकज नायक गांवकार, अचिकेत देसाय, प्रसीक देसाय आनी हेर हाजीर आशिल्ले.
जाल्यार अखील गोमंतक क्षत्रीय मराठा समाज संघटणे वतीन कागाळ दितना अध्यक्ष किरण नायक गांवकार, शाबा नायक गांवकार, नारायण देसाय, सम्राट भगत, विशाल देसाय, विनय तुबकी, तेजस नायक गांवकार, वैभव फळदेसाय, अनील फळदेसाय, संयोग देसाय, राजेश देसाय आनी हेर हाजीर आशिल्ले.
वास्को पुलीस स्टेशनार कागाळ
मजगतीं, छत्रपती शिवाज महाराज हांचे आड उलोवप केल्ल्या प्रकरणांत मुरगांव म्हालांतल्या शिवमोगींनी अॅड. उदय भेंब्रे हांचे आड वास्को पुलीस स्टेशनार कागाळ दाखल केल्या. ह्या उलोवपाक लागून आमच्यो भावना दुखावल्यात अशें कागाळींत म्हणलां.
उदय भेंब्रे हांणी छत्रपती शिवाजी महाराज हांचे संबंदी केल्ल्या उलोवपा खातीर मुरगांव म्हालांतल्या शिवमोगींनी निशेध उक्तायलो. भेंब्रे हांणी छत्रपती शिवाजी महाराज हांचो योग्य इतिहास परतून वाचचो उपरांत तांणी उलोवचें असो सल्लो मुरगांवच्या शिवमोगींनी दिलो. ह्या शिवमोगींनी काल (मंगळारा) वास्कोचे उपअधिक्षक गुरुदास कदम हांचे कडेन आपली कागाळ नोंद केल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
