भांगरभूंय | प्रतिनिधी
भांगरभूंय । प्रतिनिधी
काणकोणः चावडी गणेशोत्सव मंडल, संघटीत काणकोणकार आनी शिवस्मारक समिती वतीन सोमाराक काणकोणांत व्हडा दबाज्यान शिवजयंती मनयली. ह्या वेळार काडल्ले मिरवणुकेंत लोकांनी सामको बरो प्रतिसाद दिला. तातूंत बायलो तशेंच दादले धोल पंगड, लेझीम पंगड आनी दिंडी पंगडांचो आसपाव आशिल्लो.
चावडीच्या मारुती देवळा कडल्यान मिरवणुकेक सुरवात काणकोणचो आमदार आनी सभापती रमेश तवडकार हाणे बावटो दाखोवन करून दिली. ह्या वेळार नगराध्यक्ष रमाकांत नायक गांवकार, भाजपाचे प्रदेश सचीव सर्वानंद भगत, गणेशोत्सव मंडळ चावडीो अध्यक्ष दीपक देसाय. निमंत्रक बालेश देसाय , नगरसेवक धीरज नायक गांवकार, हेमंत नायक गांवकार, गंधेश मडगांवकार, शुभम कोमरपंत, आदलो नगराध्यक्ष श्याम देसा., अदीप भगत, नंदीप भगत, सुदर्शन देसाय, पुजार देसाय, संजीव देसाय, दिलीप केंकरे, शंकर नायक महेश नायक , पंकज नायक गांवकार, सूरज नायक गांवकार, प्रशांत देसाय, प्रकाश देसाय, दिलखुश शेट, रमाकांत बांदेकार, म्हाबळू देसाय, विराज देसाय, वल्लभ देसाय, शिरीष पै, हाजीर आशिल्ले . सोमाराक काणकोण पुलीस स्टेशनांत रुजू जाल्ल्या पुलीस निरीक्षक हरिष राऊत देसायान आनी येरादारी निरीक्षक गौतम साळुंके हांणी येरादारी नियंत्रणात दवोरली.
सकाळच्या सत्रांत चावडी कदंब बसस्टॅण्डा कडेन छत्रपती शिवरायांच्या पुतळ्याची सर्वेश हेगडे हांचे हस्तुकीं पूजा केली. छत्रपती शिवाजी म्हाराजाची महती सांगतना ताणे हिंदू धर्मांतल्या उत्सव आनी राष्ट्रपुरसाची जयंती उत्सव घडोवन हाडले खातीर आयोजकांचें अभिनंदन केलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
