भांगरभूंय | प्रतिनिधी
भांगरभूंय । प्रतिनिधी
काणकोणः सम्राट क्लबा वतीन तांच्या काणकोण केंद्राची 21वी विद्यार्थी भोवमान कार्यावळ चार रस्तो हांगच्या श्री मल्लिकार्जुन विद्यालयांत जाली. काणकोण तालुक्यांतल्या 19 शाळेंतल्या विद्यार्थ्यांक अंदूचो सम्राट स्टुडन्ट ऑफ दी इयर व्हो भोवमान फावो जाला.
कार्यावळी वेळार माचयेर सम्राट स्टुडन्ट फावंडेशनाचो प्रतिनिधी गंगाराम प्रभू नास्नोडकार, शिक्षक प्रतिनिधी म्हणून आगोंद हांगच्या सेंट अॅनीस हायस्कुलाचो यशवंत वेळपी, गुरुनाथ टेंगसे, रामा परब तशेंच पर्वरीच्या विद्यावर्थिनी कॉमर्स मेनेजमेंटाचो प्राचार्य भूषण भावे मुखेल सोयरे म्हणून आशिल्ले.
विद्यार्थ्यांनी आपल्याक मेळटा त्या वेळाचें नियोजन करचें. ध्येयवादी आसचें. तेन्नाच प्रगती जाता अशें सांगलें. शाळेची इमारत फकत शाळेच्या वेळांत वापरनास्तना हेर वेळार अतिरिक्त विशय शिकपा खातीर वापरपाचो सल्लो तांणी दिलो. भुरग्यांनी कृशी, अर्थ नियोजनाचे शिक्षण शालेय शिक्षण सुरू आसतनाच आत्मसात करपाक जाय अशेंय तांणी सांगलें. गंगाराम नास्नोडकार आनी गुरुनाथ टेंगशे हांणीय आपले विचार मांडले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
