भांगरभूंय | प्रतिनिधी
भांगरभूंय । प्रतिनिधी
काणकोणः काणकोण तालुको येरे समिती वतीन शेळेर हांगच्या उच्च माध्यमीक विद्यालयाच्या सभाघरांत 18 निवृत्त शिक्षक आनी पांच शिक्षकेतर कर्मचाऱ्यांचो भोवमान केलो. उच्च शिक्षण संचालनालयाचे उपसंचालक डॉ एम एफ नदाफ ह्या वेळार मुखेल सोयरे म्हणून हाजीर आशिल्ले.
नवीन शिक्षणीक धोरण चालीक लायतले. तातूंत मुळा सांवन बदल दिसून येतले. ताका लागून विद्यार्थ्यांक नव्या गिन्यानाची दारां उक्तीं जातली. नवे पिळगेक सामकार वचपा खातीर शिक्षकांचेर चेंपण येतलें. ताका लागून अद्ययावन गिन्यान मेळयतोलो तोच तिगतोलो, शिक्षकांनी सगळी कुशळताय वापरून नवे गिन्यान मेळोवपाक जाय. हाच्या फुडें पाठांतराक सुवात आसची ना, शाळांक ग्रेड दितले. नवी आव्हान स्विकारपाक शिक्षकांनी तयार रावपाक जाय असें डॉ नदाफ हांणी सांगलें.
कार्यावळीक शिक्षण संचालक शैलेश झिंगडे, येरें समितीचो अध्यक्ष अशोक गांवकार, भांडारी गणपत नायक, प्राचार्य देबोरा क्रास्टो, प्राचार्य हेमंत कामत आनी गौतमी भगत हाजीर आशिल्ली. शिक्षक गौरीश वेर्णेकारन बरयल्लें येवकार गीत शिक्षकांनी सादर केलें. अशोक गांवकारन सुरवेक येवकार दिलो. मुख्याध्यापिका सीमा प्रभुगांवकार, सविता तवडकार, वर्षा नायक, सिस्टर जेनिफर , तुकाराम वेळीप हांणी फुलां तुरे भेटोवन मानेस्तांक येवकार दिलो.
कांचन दी.नायक, सुनंदा बी. देसाय, गजानन गांवकार, अमिता एफ देसाय, मीलन बांदेकार, निकिता एन. देसाय, अर्जुन गांवकार, विनायक प्रभुदेसाय, कायताना फर्नांडीस, तनुजा लोलयेंकार, प्रेमानंद पागी, ट्रेसिला बी.एस., मर्विन पेरेरा, जुआना डायस, लिली कार्वालो, नारायण देसाय, अशोक गांवस देसाय ह्या निवृत्त शिक्षकांचो आनी चंद्रकांत भगत, पीटर व्हिएगश, दानियल फर्नांडीस, लक्ष्मण गांवकार ह्या शिक्षकेतर कर्मचाऱ्यांचो भोवमान केलो.
अर्जुन गांवकार, कायतानी कार्वालो आनी गौतमी भगत हाणी आपलें मनोगत उक्तायलें. हेमंत कामत, मनोज नायक गांवका आनी मैथली गुणाजी हांणी कार्यावळीचें सूत्रंसचालन केले. देबोरा क्रास्टो हाणे उपकार मानले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
