भांगरभूंय | प्रतिनिधी
भांगरभूंय । प्रतिनिधी
काणकोणः काणकोण तालुक्यातली सरकारी शिगमोत्सवाची चित्ररथ आनी रोमटां मेळांची मिरवणूक शिस्तीन जावची हे खातीर शिगमो समिती आनी सरकारी अधिकाऱ्यांचें बसकेंत समितीचो अध्यक्ष सभापती रमेश तवडकार हांणी फावो त्यो सूचोवण्यो केल्यो. श्रीस्थळ हांगच्या सरकारी विसोव घरांत ही बसका जाली.
बसकेक समितीचो कार्याध्यक्ष बबेश बोरकार, जोड सचीव सुभाष महाले, भोवमान समितीचो मुखेली अजीत पैंगीणकार, अनिळ फळदेसाय, दिवाकर पागी, प्रशांत देसाय, धीरज काणकोणकार, काणकोणचो उपजिल्होधिकारी रमेश गांवकार, मामेलदार मनोज कोरगांवकार,, वीज खात्याचो अभियंतो गोविंद भट, भलायकी अधिकारी डॉ जुझे तावारीस, येरादारी खात्याचे महेश वेळीप आनी हेर सरकारी अधिकारी हाजीर आशिल्ले.
येरादारीक आडखळ जावची न्हय म्हणून मनोहर पर्रीकार बायपास रस्त्याच्या फ्यायओव्हरा सकल्ल्यान शिगमोत्सव मिरवणुकेक सांजे 4.30 वरांचेर सुरवात करून चावडी हांगा गायतोंडें मैदानार तिचो समारोप करपाचें बसकेंत थारायलें. ह्या वेळार नगर्सें तें गायतोंडे मैदाना मेरेनचो रस्तो साबार येरादारी खातीर बंद आसतलो. फकत अॅम्बुलन्सी आनी अत्यावश्यक सेवेंतली हेर वाहनांक व्हरपाक मेकळीक आसतली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
