भांगरभूंय | प्रतिनिधी
शिंदळकी धंद्याच्या दुबावा वयल्यान दोगांक अटक: दोन तरणाट्या चलयांची सुटका
पणजी: गोंय पुलिसांच्या गुन्यांव फांट्यान शिंदळकी वेवसाया आड खर पावलां उबारल्यां. शेनवारा मध्यानराती उपरांत काणका, म्हापशेंच्या एका हॉटेलार धडक कारवाय केली. ’एएचटीयू’ ह्या मनशाचे तस्करी आड पंगडा वांगडा मेळोन राबयल्ले हे जोड कारवायेंत दोन पिडेस्त तरणाट्या चलयांची सुटका केली. तशेंच ह्या चलयांक काम कमपाक लावपी दोगांक अटक केली.
हे विशीं पुलिसांनी दिल्ले म्हायती प्रमाण, १५ नोव्हेंबराक सांजेच्या ७:४५ ते रातच्या ११ वरां मजगतीं अब्बासवाडो हांगा आशिल्ल्या ’कोल्हापुरी मिसळ’च्या वयले माळयेर रिदम गेस्ट हावसांत ही धाड घाली . हे कारवायेंत पुलिसांनी दोन पिडेस्त तरणाट्या चलयांक ताब्यांत घेतलीं. त्यो दोगीय मुळच्यो पश्चीम बंगालच्यो. डेव्हिड चेट्टियार (५७, रा. रिदम गेस्ट हावज, ठाणे, महाराष्ट्र) आनी महेश कुंडलिक मोरे (३९, रा. अब्बासवाडा, काणका, मूळ रा. कोल्हापूर, महाराष्ट्र) ह्या दोगां दलालांक अटक केली.
ह्या प्रकरणांत गुन्यांव फांट्याच्या पुलीस स्टेशनांत आयज आयतारा १६ नोव्हेंबराक सकाळीं ४:०४ वरांचेर गुन्यांव दाखल केलो. गुन्यांव फांटो ह्या प्रकरणाचो आनीक तपास करतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
