भांगरभूंय | प्रतिनिधी
बागेंत सहज मेळपी काटेकुंवर (एलोवेरा) ही वनस्पत ताच्या गुणधर्मांक लागून भलायकी आनी सोबीतकायेच्या समस्यां खातीर सामकी उपेगी. ताचे अँटीऑक्सिडेंट, गुणधर्म आनी बळिश्ट वनस्पती संयुगां खातीर काटेकुंवर वेगवेगळ्या भलायकेच्या समस्यां खातीर प्रभावी थारता. शिंयांतलो थंड हवामान ते गिमाचे उश्णते मेरेन, तुमची कांत, केंस आनी कुडीची जतनाय घेवपाक एलोवेरा हो एक उत्कृश्ठ पर्याय.
काटेकुंवरीचे भलायकेचे फायदे
सनबर्नाचेर उपचार
वताच्या देगीत संपर्कांत आयिल्ल्यान जावपी सनबर्नाचेर एलोवेरा वापरात. काटेकुंवरीच्या पानांची जॅल जळिल्ल्या भागांचेर लायल्यार रोखडेंच बरें दिसता. पचन बरे भशेन जाता
काटेकुंवरीचो रोस पियेल्यार पचन बरे तरेन जाता आनी गोडेंमूताचेर नियंत्रण येता, रगतांतली साकर उणी करपाक मदत जाता. ल्हान ल्हान जखमांचेर काटेकुंवर प्रभावी आसता. हळदी वांगडा लायल्यार घावे जावचे ना. काटेकुंवर कातीक गरजेचें हायड्रेशन दिता आनी कांत तिकतिकीत जाता.
केंसांक फायदे
डँड्रफ उणो करता
केसांनी कोंडो जाल्ल्या लोकांक एलोवेराचो वापर सामको फायद्याचो थारता. काटेकुंवरीच्या गुणधर्मांक लागून डँड्रफाचो प्रस्न उणो जाता. काटेकुंवर केंसांच्या स्कॅल्पाक पोशण दिता, तांची वाड वाडयता आनी केंस वचपाची समस्या उणी करता. काटेकुंवर केंसांक ओलसाण दिता आनी ताची लवचीकता वाडयता. हाका लागून केंस मोव, निरोगी आनी घट जातात.
हॅर मास्क म्हणून
तांतयांचो धवो भाग आनी एलोवेरा जेल घालून केंसांक मास्क तयार करचो. हाका लागून केंसांची तांक आनी हायड्रेशन तिगोवन दवरपाक मदत जाता. न्हावचे पयलीं केंसांक एलोवेरा जेल लायल्यार केंस मोव आनी लवचीक जातात. ताजें जेल सरळ माथ्याक लावचें आनी ३० मिनटां दवरचें आनी मागीर सौम्य शॅम्पून धुवचें. काटेकुंवरीचो रोस खूब फायद्याचो आसलो तरी तो पियेवचे पयलीं दोतोराचो सल्लो घेवप म्हत्वाचें. घरांत काटेकुंवरचो रोस करचे पयलीं दोतोराचो योग्य सल्लो घेवप गरजेचें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
