भांगरभूंय | प्रतिनिधी
भांगरभूंय । प्रतिनिधी
वाळपयः सद्या काजू सिझनात सुरवात जाल्या. मात काजू बियांचो दर सामको कमी आशिल्ल्यान उत्पादकां मदीं निर्शेणी पातळ्ळ्या. सध्या सरकारान किलोक 111 रुपये व्हो दर थारायला. तो आमकां परडवपा सारको ना. दर कमी दवोरपा फाटल्या काजू बियाचेर प्रकिया करपी आनी वेवसायिकांचो हात आसपाची शक्यताय आसपाची दुबाव उत्पादकांनी उक्तायला. सरकारान हाचो विचार करून थाकाय दिवपाची मागणी तांणी केल्या.
सत्तरी तालुक्यांत जायते कडेन काजू एकठांय करपाक तशेंच हुर्काक काडपाक सुरवात जाल्या. काजूचो सरकारी दर आनी उत्पादन खर्च हाचें गणित जुळना जाल्यार वेवसाय लुकसाणेत वचपाची भिरांत शेतकारांनी उक्तायल्या.कमीत कमी किलाक 140 रुपये दर मेळ्ळ्यार काजू उत्पादन परडवपा सारकें आसा अशें कांय जाणांनी सांगलें.
सत्तरी तालुक्यांत जायतीं कुटूंबा पोट भरपाचें मुखेल साधन म्हणून काजू उत्पादनांत आसात. सध्या कामेरीचें पगार वाडल्यात. हेर घटकांचो दर लेगीत वाडल्ले कडेन आसा. हाचो सारासार विचार केल्यार सध्याचो काजू दर अजिबात परवडपी ना. काजू प्रक्रिया कारखानदार आनी काजू बी वेवसायिकांच्या हिता खातीर सरकारान काजू उत्पादकांच्या हिता कडेन आडनदर करून इतलो कमी दर दवोरला असो आरोप कांय उत्पादकांनी केला.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
