भांगरभूंय | प्रतिनिधी
भांगरभूंय । पत्रक
पणजीः भारताच्या अमृत महोत्सवी स्वातंत्र्य दिसा पणजेंतल्या काकुलो मॉलांत विशेश तांकीचे व्यक्तीचे हस्तुकीं तिरंगो हुबयतले. ही कार्यावळ काकुलो ग्रूप डिसायबॅलिटी रायट असोसिएशन ऑफ गोवा हांच्या पालवान आयोजीत केल्या. 15 ऑगस्टाक जावपी हे कार्यावळीक अनाथाश्रम, वृद्धाश्रम, अपंगुळ गट आनी हमारा स्कूल तशेंच वंचीत घटकांतले शंबरां परस चड व्यक्ती हाजीर रावतल्यो
हे कार्यावळीचो एक वांटो म्हणून 13, 14 आनी 15 ऑगस्टाक काकुलो मॉलांतल्या एट्रियन डिसायबॅलिटी गटांक तांणी तयार केल्ली उत्पादनां विकपा खातीर सुवात दितले. ह्या तीन दिसांत सांकेतीक भास, अर्थीक नियोजन, विशेश तांकीच्या व्यक्तीचें हक्क आनी हेर विशयांचेर सत्रां आयोजीत करतले अशी म्हायती शामीक काकुलो हांणी दिली
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
