भांगरभूंय | प्रतिनिधी
पणजी: गोंय सरकाराच्या नुस्तेंमारी संचालनालया वतीन १० ते १२ जानेवारी मेरेन कांपाल मैदानाचेर एक्वा गोवा मेगा फिश महोत्सवाचें आयोजन करतले. ह्या महोत्सवांत वेगवेगळ्या जातींचें नुस्तें आनी दर्यांतल्या जिवांच्या प्रदर्शना सयत विंगड विंगड सर्ती, खाणां- जेवणांचे स्टॉल्स, लोकनाच आनी हेर करमणुकीच्या कार्यावळी जातल्यो.
नुस्तेंमारी वेवसायिकांक सरकारी येवजण्यो आनी नुस्तेंमारी वेवसायांतल्या आधुनीक तंत्रज्ञानाची म्हायती करून दिवप. तशेंच युवकांक ह्या वेवसाया कडेन आकर्शीत करप हो एक्वा फिश महोत्सवाचो उद्देश आसा. नुस्तेंमारी संस्कृती आनी वेवसाया खातीर गोंय फामाद आसून लोकांनी महोत्सवाक भेट दिवन तो येसस्वी करचो, अशें नुस्तेंमारी संचालनालयान मागलां.
चड म्हायती खातीर नुस्तेंमारी अधिक्षक जिज्ञासा मुरकर हांचे कडेन ( ८४०७९ ७३५७९) संपर्क करचो, अशें कळीत केलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
