भांगरभूंय | प्रतिनिधी
पणजी: गोंयांत सुटये खातीर कुटुंबा सयत आयिल्ल्या पतीयाळा (पंजाब) हांगच्या ४१ वर्सां पिरायेच्या हरिंदरजीत हाका कांदोळेच्या एका हॉटेलाचे तिसरे माळयेवेल्यान पडून मरण आयलें. मंगळारा सकाळीं ही घडणूक घडली.
कळंगुटे पुलिसांक काल सकाळीं ४.०६ मिनिटांनी ह्या अपघाताची म्हायती मेळ्ळी.पुलिसांनी रोखडीच घडणुके सुवातेर धांव घेतली. मात गंभीर दुखापतीक लागून पर्यटकाक मरण आयलें. ह्या प्रकरणाचो खोलायेन तपास सुरू आसा. मरण आयिल्ल्या पर्यटकाची कूड पोस्टमार्टमा खातीर बांबोळे गोमेकॉंत धाडल्या.
हडे घडणुकेची नोंद कळंगुटे पुलिसांनी भारतीय न्याय संहितेच्या कलम १९४ खाला अपघाती मरण म्हणून केल्या. घडणुकेचो नेमको क्रम निश्चीत करपाक पुलीस कुटुंबाचे आनी साक्षीदारांचे जबाब नोंद करतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
