काँग्रेसीची 23 उमेदवारांची दुसरी वळेरी जाहीर
भांगरभूंय | प्रतिनिधी
मुंबय, खबरां संस्था ः काँग्रेसीन शेनवारा विधानसभा वेंचणुके खातीर 23 उमेदवारांची दुसरी वळेरी जाहीर केली. तांतूत औरंगाबाद पूर्व विधानसभा मतदारसंघांतल्यान मधुकर देशमुख, सावनेरांतल्यान अनुजा सुनील केदार, नागपूर दक्षिणेतल्यान गिरीश पांडव, जालन्यांतल्यान कैलास गोरंट्याल आनी निलंगांतल्यान अभयकुमार साळुंके हांकां उमेदवारी मेळ्ळ्या.
20 नोव्हेंबराक महाराश्ट्रांत विधानसभा वेंचणूक जातली. ते उपरांत 23 नोव्हेंबराक मत मेजणी जातली. हे फाटभुंयेर सगळे राजकी पक्ष उमेदवारांचीं नांवां जाहीर करतात. काँग्रेसीन पयले वळेरेंत 48 उमेदवारांचीं नांवां जाहीर केल्लीं. उपरांत शेनवारा जाहीर जाल्ले दुसरे वळेरेंत 23 उमेदवारांचीं नांवां जाहीर केली.
काँग्रेसीचे सरचिटणीस के सी वेणुगोपाल हांच्या सय खाला जाहीर केल्ले दुसरे वळेरेंत काँग्रेसीन भुसावळ (राखीव) मतदारसंघांतल्यान राजेश तुकाराम मानवतकर हांकां संद दिल्या. जाल्यार जळगावांतल्यान (जामोद) स्वाती संदीप वाकेकार हांकां उमेदवारी दिल्या.
उमेदवारांची दुसरी वळेरी…
१. डॉ. राजेश तुकाराम मानवतकार – भुसावळ (राखीव)
२. डॉ. स्वाती संदीप वाकेकार – जळगांव (जामोद)
३. महेश गांगणे – अकोट
४. शेखर प्रमोदबाबू शेंडे – वर्धा
५. अनुजा सुनील केदार – सावनेर
६. गिरीश कृष्णराव पांडव – नागपूर दक्षीण
७. सुरेश यादवराव भोयर – कामठी
८. पूजा गणेश थावकार – भंडारा (राखीव)
९. दलीप वामन बनसोड – अर्जुनी – मोरगांव (राखीव)
१०. राजकुमार लोटुजी पुरम – आमगांव (राखीव)
११. प्रो. वसंत चिंडूजी पुरके – राळेगांव
१२. अनिल उर्फ बाळासाहेब शंकरराव मंगुळकार – यवतमाळ
१३. जितेंद्र शिवाजीराव मोघे – आर्णी (राखीव)
१४. साहेबराव दत्तराव कांबळे – उमरखेड (राखीव)
१५. कैलास किसनराव गोरंट्याल – जालना
१६. मधुकर कृष्णराव देशमुख – औरंगाबाद पूर्व
१७. विजय गोविंद पाटील – वसय
१८. काळू बधेलिया – कांदीवली पूर्व
१९. यशवंत जयप्रकाश सिंह – चारकोप
२०. गणेश कुमार यादव – सायन कोळीवाडा
२१. हेमंग ओगळे – श्रीरामपूर (राखीव)
२२. अभयकुमार सतीशराव साळुंखे – निलंगा
२३. गणपतराव आप्पासाहेब पाटील – शिरोळ
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
