भांगरभूंय | प्रतिनिधी
भांगरभूंय प्रतिनिधी
कोरगांवः छत्रपती शिवाजी म्हाराजान कसलेच तरेचो भेदभाव करनास्तना सगल्या लोकांक एकठांय घेवंन वावुरले. शिवाजी म्हाराजाचें पांच टक्के गुण जरी आमी आत्मसात केल्यार समाज फुडें वचपाक शकतलो अशें पेडण्याचो आमदार प्रवीण आर्लेकारान सांगलें. कोरगांवां आयोजीत केल्ल्या सरकारी पावंड्या वयले शिवराज्याभिशेक कार्यावऴींत ते मुखेल सोयरे ह्या नात्यान उलयताले.
कार्यावळीक जिल्हो पंचायत वांगडी रंगनाथ कलशावकार, सतीश शेटगावकार,उपसरपंच कल्पिता कलशावकार, अनुराधा कोरगावकर, देविदास नागवेकार, दिवाकर जाधव.लौकिक शेटये, उमेश च्यारी,नीता नर्से ,सुदन बर्वे, पेडणेचो उपजिल्हाधिकारी दीपक वांयगणकर,मामलेदार अनंत मळिक, कोरगांवचो सरपंच समीर भाटलेकार, शिवाजी समारोह समितीचो अध्यक्ष उल्हास देसाई ,एल. बी . गावडे, कृष्णा गावडे हाजीर आशिल्ले.
शिवाजी म्हाराजांच्या राज्याभिशेकाक आतां 349 वर्सा पुराय जातात. 18 पगड आनी बारा बुलुतेदार हांका घेवंन शिवाजी म्हाराजान तांचो बापूय शहाजीराजे आदिलशाहींत नोकरी करतना पिरायेच्या 16व्या वर्सा हिंदवी स्वराज्याची थापणूक केली अशें सुदन बर्वेन सांगलें. शिवाजी म्हाराज फकत महाराष्ट्रा पुरते मर्यादीत न्हय जाल्यार गोंयां खातीर लेगीत तांचें व्हड योगदान आसा अशें दीपक वायंगणकारान सांगलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
