भांगरभूंय | प्रतिनिधी
भुरगीं सांजची आयलीं तेन्ना बावली नवेच कपडे घालून नटून बशिल्ली.
खंय वचपाचे आसा? तुजो व्हीस्तूद बरो दिसता. आज चडच लखलखता, चकचकता गो तूं….. हय , बरें दिसता.
वता तरी खंय?
“आतां सकाळीं सगळीं वतलीं पंचमीक. आज जात्रेची पंचम शांतादुर्गा कवळें”
आमीय वतलीं, मम्मा पप्पा आनी भैया”. कितली मजा येता जाणा?! जात्रेचे मांड पळोवंक म्हाका आवडटा.
म्हजी आई देवते आंगावेले कापड घेता. नवो कुकुम घेता.
म्हजी मॉं धूप घेता. कालच वचून आयली आमी. हांवे मोटार घेतली, ते भायर म्हज्या इश्टाक आवडटा म्हूण
रब्बराचो बॉल,बेट हाडलें,आमी दोगांय इश्टा बरोबर क्रिकेटूय खेळटले. म्हाका पालखी पळोवंक आवडटा.”
“म्हाका प्रदक्षणां घालपाक आवडटात”
” हांव खाजें आनी रेवड्योय खातां”.
“नारे बाबा म्हाका चणे आनी भिकणां आवडटात”
दर एकट्याची आवड वेगळी, म्हाका भोंवपाची आवड.
“कितलें बरें दिसता. जात्रेक वता थंय कोणूय तरी वळखीचे मेळटाच. “सगळे मेळटकच बरें दिसता. आमी आमच्या इश्टाबरोबर उलयतात, फेरयेंत भोंवतात. देवीक खूब बरी सजयिल्ली आसता. आरती,प्रसाद जेवण बी आमकां बरें दिसता.’
प्रणव,रेवा, रश्मी, रमेश सगली आपले वचप येवप तांचे आवय बापाय बरोबरची मजा एकामेकां सांगतना आनंदान
भरली.
“आदल्या आमच्या ह्या अशा लोकांनी गिरेस्तकाय राखल्या” बावली बडबड रावली. भुरग्यांक कांय समजलें ना.
ती जाणां फकत वचून मजा करपाची.
“संवंय आमकां बरे वाटेन व्हरता”. ती जात्रा जावं फेस्त….फेरी लागली म्हणटकच सगल्यांक भोवंन येवचें दिसता. वर्साची आंगवण पावपाक, कांय जाण वता.
म्हजी मम्मा सांगणी करूंन व्हट भरूंन येता.
म्हणल्यार कितें?!!!!
देवतेक सांगणी करप , मागप. म्हणल्यार विश्वास वाडोवप.’
तुमी वचून येतना आमकां खाजें हाडपाक विसर नाकात आं….
सगळ्यांनी…. बरें बरें म्हणलें. हेर सगळी हांस हांसली…
सपनांत रमली…. जात्रेक पावलीं….. चणे खावंक लागलीं….. नाटकांत झेमेलीं….
बोमाड्याक रमली……धांवक लागली…. मजाच मजा….. चला …..चला …. बायुलाचे जादूचे जात्रेक म्हणत ….
फेस्त जात्रेक…भोवंया खावया, मजाय करुंया… भाव भयणीं जावन रावुया , शिकुंया, हांसुया…..एकवटान जगुया म्हणत बायुलाचे बावले बरोबर गोल गोल घुंवली. सगलीं पावलीं बायुलाचे जात्रेचे पंचमीक.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
