भांगरभूंय | प्रतिनिधी
भांगरभूंय । प्रतिनिधी
सावयवेरेंः कवळेंच्या श्री सरस्वती पूर्व प्राथमीक विद्यालया वतीन गुरू पुनव व्हडा उमेदीन मनयली. ह्या निमतान भुरग्यांनी आपल्या आवयांची पूजा केली. कवळें पंचायत सभाघरांत ही कार्यावळ जाली. माचयेर शाळेची वेवस्थापिका विद्या रामनाथकार, पालक-शिक्षक संघाचे उपाध्यक्ष प्रिती नायक, वांगडी गंधाली सावंत, निकिता गावडे, नरेश नायक हाजीर आशिल्लो.
मुख्याध्यापिका माधवी कपिलेश्वरकारान सुरवेक सगल्यांक येवकार दिवं गुरू पुनवेचें म्हत्व सांगलें. विद्या रामनाथकारान महर्षी व्यासमुनीच्या फोट्याक फुलां हार घालून पूजन केलें. सगल्या मानेस्तांचे हस्तुकीं दिवली पेटयली. भारतीय संस्कृतींत गुरू सर्वश्रेश्ठ आसता. भारतीय संस्कृती तिगोवन दवोरपा खातीर भुरग्यांचेर बरे संस्कार करपा खातीर भारतीय संस्कृती कडेन संबंद आशिल्ल्या कार्यावळी शाळांनी जावपाक जाय अशें तिणे सांगलें. भुरग्यांनी मातृ पूजन करून आवय- बापायचे आशिर्वाद मागले.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
