भांगरभूंय | प्रतिनिधी
म्हापशें: गणेशोत्सवा निमतान कळंगूट पुलीस स्टेशन आनी कर्मचारी वर्गान प्रस्तूत केल्ल्या ‘रायगडाला जेव्हा जाग येते’ ह्या छत्रपती शिवाजी महाराज आनी छत्रपती संभाजी महाराज हांच्या जिणेशैली वेल्या इतिहासीक नाट्यप्रयोगाक नाट्या रसिकांचो बरो प्रतिसाद मेळ्ळो.
ह्या नाट्यप्रयोगांत समीर दावरे (छ. शिवाजी), केशव नायक (छ. संभाजी), प्रसाद परब (से. हंबीरराव), दिनेश किनळेकार (अण्णाजी), कैवल्य परब (छ. राजाराम), भगवान पालयेंकार (मोरोपंत), सोनिया शेटये (येसूबाई) आनी निवेदिता चांद्रोजी (सोयराबाई) हांणी भुमिका केल्यो.
जाल्यार दिग्दर्शन अमर कोनाडकार हांणी केलें. रंगभुशा जितेंद्र परब, पार्श्वसंगीत साई कळंगूटकार, ध्वनी संकलन केवल सोपटे, रंगमंच गुरुप्रसाद रंगमंच कासारपाल आनी उजवाडा येवजण तेजस खेडेकार हांणी पळयलें. ह्या नाट्यप्रयोगाक राज्यांतले पुलीस अधिकारी तशेंच हेर अधिकारी आनी राजकी लोक हाजीर आशिल्ले.
अंदूंच्या ह्या णव दिसांच्या गणेशोत्सवांत कळंगूट पुलिसां वतीन बाल घुमट आरती आनी वेशभुशा सर्तींचें आयोजन केल्लें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
