भांगरभूंय | प्रतिनिधी
म्हापशें: कळंगूटे पर्यटकांक विवीध हांयसां दाखोवन तांची लुबाडणूक करपी 34 टावट्स दलालांक पुलिसांनी अटक केली. विशेश मोहिमे खाला कळंगूट आनी बागा दर्यादेगेर पर्टयन वेपार कायद्या प्रमाण ही प्रतिबंधात्मक कारवाय केली.
पुलीस निरिक्षक परेश नायक हांणी दिल्ले म्हायती प्रमाण पर्यटकांक विवीध हांयसां दाखोवन लुटपाचे प्रकार चालू आसात. हे विशीं थळावे पंचायत मंडळ आनी थळाव्यां कडल्यान कागाळी आयिल्ल्यो. ते प्रमाण वरिश्ठांच्या मार्गदर्शना प्रमाण विशेश मोहीम हातांत घेवन टावट्सांक ताब्यांत घेवपाक सुरवात केल्या.
शुक्रारा हे मोहिमे खाला 34 जाणांक ताब्यांत घेवन तांचे आड गुन्यांव नोंद केला. ही मोहीम हे फुडेंय चालूच उरतली. हे सगळे टावट्स बिगर गोंयकार आसात, अशें निरिक्षक नायक हांणी सांगलें. पर्यटकांची लुबाडणूक करपी ह्या टावट्सांचो हे मुखार डाटा तयार करतले. पयले खेपे दुबाविताक 5 हजार रुपयांचो दंड, दुसरे खेपे 50 हजारांचो दंड आनी ते उपरांत दुबाविताक ख्यास्त वा बंदखण जावपाक शकता, अशी म्हायती निरिक्षक नायक हांणी दिली.
अटक केल्ले टावट्स
कळंगूट पुलिसांनी अटक केल्ले टावट्स फुडें दिल्ले प्रमाण. गणेश लमाणी, व्यंकटेश पुजार, बबलू यादव, कृष्णा पुजार, दिलबर खान, अविनाश पासवान, पकंज सोनवणे, संजीव शर्मा, संजय राठोड, हेमंत कुमार, राज सिंग, झाकीर समसुद्दीन, पवन सिंग, राजू विवेक, रामकृष्ण बेहरा, किरण सावंत, राजेश बंजारा, ज्ञानेश्वर अटोले, तारीक हुसैन, मोहम्मद इमरान कुरैशी, नंदकिशोर सिंग, अमीत मोहन, विशाल रावत, प्रसाद चटला, महासीन सरकार, रियाझुद्दीन अहमद, संतोष राठोड, आर्यन सय्यद, सायबाग हुसैन, मोहमद जाफर, विशाल सोनाले, दुर्गेश मृत्यूंजय आनी साहुकार श्रीहरीष.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
