भांगरभूंय | प्रतिनिधी
पणजी : कळंगूटे पर्यटकांचे गाडयेचो धपको बसले उपरांत वीज ट्रान्सफॉर्मराक उजो लागलो. ह्या अपघातांत गाडयेंतलो एक पर्यटक जखमी जालो. वीज ट्रान्सफॉर्मर उज्यांत लासून गोबोर जालो. हाका लागून ह्या वाठारांत सध्या लायट ना.
हे विशीं चड म्हायती प्रमाण, गुजरातचे पर्यटक गाडयेन कळंगूटेच्यान कांदोळचे दिकेन वताले. तेन्ना रस्त्याचे कुशीक उबी करून दवरिल्ले एके गाडयेक कारीचो धपको बसलो. ताचे उपरांत वीज ट्रान्सफॉर्मराक धपको बसलो. धपको बसले उपरांत ट्रान्सफॉर्मर पेटलो आनी लासून गोबोर जालो. पर्यटकांचे गाडयेंत चार जाण आशिल्ले. तातूंत एकलो जखमी जालो.
मजगतीं, वीज खात्यान ह्या वाठारांत गेल्ली लायट परत हाडपा खातीर यत्न करपाक सुरवात केल्या. सांजेवेळा मेरेन वीज पुरवण सुरळीत जावपाची शक्यताय उक्तायल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
