भांगरभूंय | प्रतिनिधी
म्हापशें ः माड्डोवाडो, कळंगूटे दर्यादेगेवेल्या बंद शॅकाक उजो लागिल्ल्यान सुमार १५ लाखांचें लुकसाण जालें.. शॅक धनी क्रूझ फर्नांडीस हांणी हे घडणुके फाटल्यान घातपाताचो दुबाव उक्तायला.
ही घडणूक आयतारा २४ तारखेकर सुमारे २.३० वरांचेर घडली. पर्यटन हंगाम सोंपयले उपरांत फर्नांडीस हांणी हेरां प्रमाण आपलें शॅक बंद करून भितरल्या सामानाक पावसा पसून वाटावपाक तें सगले वटेन माडाचीं चुडटां आनी बांबून बांदून काडिल्लें.
ह्या शॅकांतलें सगलें सामान लासून गोबार जालें. हे घडणुकेची म्हायती मेळटांच पिळर्ण आनी म्हापशें उजो पालोवपी दळाच्या जवानांनी घडणुके सुवातेर येवन उजो निर्यत्रणांत हाडलो. धाव घेतली. उजो पालोवपी दळाचे अधिकारी दामोदर पेडणेंकार हांच्या मार्गदर्शना खाला जवानांनी उजो पालोवचे पयलीं सगल्यो वस्तू गोबोर जाल्यो. ताचे पयलीं थळाव्यांनी हो उजो पालोवपाचो यत्न केलो. हे घडणुकेचो पुलीसांनी पंचनामो केलो.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
