भांगरभूंय | प्रतिनिधी
म्हापशें ः कळंगूटे पुलिसांनी घुंवळे वखदां विरोधी कायद्या खाला छापो घालून दुबावीत सचिन भिमू राठोड (२५, रा. गौरावाडो कळंगूटे, मूळ बिजापूर- कर्नाटक) हाका अटक केली. ताचे कडल्यान पुलिसांनी ९५ हजारांचो ९५० ग्रॅम गांजो जप्त केलो.
नायकावाड्यार एचपी गुदांवां लागसारा ड्रग्सची विक्री जावपाची आशिल्ल्याची म्हायती पुलिसांक मेळ्ळी. ते प्रमाण मंगळार २१ जानेवारीक मध्यान रातीं सांपळो रचून दुबावीताक धरलो. ताची तपासणी केली तेन्ना ताचे कडेन गांजो सांपडलो.
उपरांत ताका अटक केली. पुलीस निरीक्षक परेश नायक हांच्या मार्गदर्शना खाला योगेश मांद्रेंकार, अपेक्षा उसपकार, कॉन्स्टेबल राज परब, रवींद्र गांवकार, सिद्धांत लामगांवकार, रोहन नायक आनी रामा गांवकार ह्या पंगडान हें काम केलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
