भांगरभूंय | प्रतिनिधी
म्हापशें, प्रतिनिधी ः कळंगुटे पुलिसांनी दोग सख्ख्या भावांक अटक केली. तांचे कडल्यान देड लाखांचे ८ मोबायल जप्त केल्यात. रकीब मुल्ला (२४) आनी रसीब मुल्ला (२२) अशीं तांचीं नांवां. ते मूळ पश्चिम बंगालचे, पूण सध्या पर्रा रावतात.
शेनवारा सांजेवेळार ७ वरांचेर फिर्यादी बिपीन कुमार (रा. माडेल थिवी, मूळ बिहार) हांचो १८ हजारांचो सॅमसंग मोबायल फोन कळंगुटे दर्या देगेरच्यान चोरी जाल्लो. हे विशीं पुलिसांनी चवकशी करून वयल्या दोगूय भावांक ताब्यांत घेतले. तेन्ना दुबावितां कडल्यान चोरयेक गेल्ले वट्ट आठ मोबायल सांपडले. ह्या फोनाचें मोल देड लाख रूपया आसा.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
