भांगरभूंय | प्रतिनिधी
भांगरभूंय । प्रतिनिधी
साखळीः वेगळेंच्या बाळकृष्ण बांदोडकार शिक्षण संस्थेच्या श्रीमती विद्यालयाच्या विद्यार्थ्यांनी गोंय सरकाराच्या शालेय शिक्षण आनी साक्षरता विभागान आयोजीत केल्ल्या कला उत्सव 2022त जिल्हो पांवड्यार व्हड येश मेळयलें. विद्यार्थ्यांच्या कला गुणाक उर्बां दिवपा खातीर भारत सरकाराच्या शिक्षण मंत्रालयान 2015 वर्सा कला उत्सव घेवपाक सुरवात केल्ली.
श्रीमती विद्यालयाच्या गौतम शेट वेरेकारान व्हिज्युअल आर्ट 2डीत, चलयांचे व्हिज्युअल आर्ट 3 डीत अनुष्का गांवकार आनी चल्यांच्या व्हिज्युअल आर्ट 3 डीत किशन आमडकार, देशी खेळणी सर्तींत मीत साळगांवकार हांणी जिल्हो पांवड्यार इनामा जोडली. फाटल्या तीन वर्सा सावन कला उत्सवांत ह्या विद्यालयाचे विद्यार्थी पर्जळतात. 2021 वर्सा 3डी व्हिज्युअलांत तांणी राष्ट्रीय पांवड्यार पुरस्कार मेळयल्लो.
सादरीकर संगीतांत सानिका वळवयकारान येश मेळयलें. व्हिज्युअल आर्ट आनी देशी खेळणी तयार करपा खातीर विद्यार्थ्यांक कला शिक्षक योगेश कवठणकार आनी संगीत सादरीकरणात शिक्षिका स्नेहा कृष्णा ताटे हिचें मार्गदर्शन मेळ्ळें. बाळकृष्ण बांदोडकार शिक्षण संस्थेचो अध्यक्ष यतीन काकोडकार हांणी विद्यार्थ्यांक परबी भेटयलीं आनी राज्य पांवड्या वयले सर्तींत तांकां येश आवंडायलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
