भांगरभूंय | प्रतिनिधी
सांखळेच्या रवीन्द्र भवनांत 6 डिसेंबर मेरेन सर्तीचें आयोजन; वट्ट 20 संस्थांचो वांटो
भांगरभूंय । खबरां मेज
पणजीः कला अकादमीची 15 वी मराठी ‘ब’ गट नाटक सर्त सांखळेच्या रवीन्द्र भवनाच्या पावलान 8 नोव्हेंबराक सुरू जातली. हे सर्तींत वट्ट 20 नाट्य संस्थांनी वांटो घेतला. ही सर्त सांखळेच्या रवीन्द्र भवनांत जातली. सर्तींतलीं सगळीं नाटकां सद्दां सांजेच्या 7 वरांचेर सुरू जातलीं. ही सर्त 6 डिसेंबर मेरेन चलतली.
8 नोव्हेंबराक बनरमेन स्पोर्ट्स क्लब, आर्लें राय मडगांव ही संस्था वि. वा. शिरवाडकर हांणी बरयिल्लें ‘नटसम्राट’ हें नाटक सादर करतली. 11 नोव्हेंबराक प्रेमानंद गज्वी हांणी बरयल्लें ‘तनमाजोरी’ हें नाटक कलाकार कला मंच मयडें- बार्देस सादर करतली. माऊली क्रिएशन्स, इब्रामपूर- पेडणें संस्थे वतीन राजेंद्र नारायण पोळ हांणी बरयल्लें ‘अंधारगर्भ’ हें नाटक12 नोव्हेंबराक सादर जातलें, जाल्यार 15 नोव्हेंबराक पु. भा. भावे हांणी बरयल्लें आनी विकास कांदोळकार हांणी रुपांतरीत केल्लें ‘महाराणी पद्मिनी’ हें नाटक रवळनाथ युनिटी स्पोर्ट्स अॅण्ड कल्चरल क्लब, तळर्ण- पेडणें ही संस्था सादर करतली.
18 नोव्हेंबराक किशोर आरोसकार हांणी बरयल्लें ‘शिवपुत्र शंभू’ नाटक ओम कलासृश्टी, बांदोडें- फोंडें ही संस्था सादर करतली. होमकुंड रंगभुमी, मडकय- फोंडें ही संस्था डॉ. मधू आपटे हांणी बरयल्लें ‘प्यादी झाली, फर्जत’ हें नाटक 19 नोव्हेंबराक, देवताई कला क्रिएशन्स, मडकय- फोंडें ही संस्था मामा वरेरकर हांणी बरयल्लें आनी विष्णू सुर्या वाघ हांणी पुनर्लेखन केल्लें ‘करीन ती पूर्व’ हें नाटक 20 नोव्हेंबराक, मिलिंद बर्वे हांणी बरयल्लें ‘देवा म्हाराजा’ हें नाटक श्री विठ्ठल मंच सांगाती, कारापूर, तिस्क- सांखळी ही संस्था 21 नोव्हेंबराक, कलासंगम हेडलॅड सडा- मुरगांव हे संस्थे वतीन प्रभाकर लक्ष्मण मयेकर हांणी बरयल्लें ‘पांडगो इलो रे बा इलो’ हें नाटक सादर जातलें.
दशरथ मांद्रेंकार हांणी बरयल्लें ‘इमॉटल’ नाटक 25 नोव्हेंबराक वेदांत एंटटेनमेंट, वाळपय ही संस्था सादर करतली. 26 नोव्हेंबराक प्रसाद सातवळेकर हांणी बरयल्लें आनी प्रसाद कळंगूटकार हांणी रुपांतरीत केल्लें ‘ओपन अॅण्ड शट!’ हें नाटक युवक कला मंच, पिळगांव- दिवचल ही संस्था सादर करतली. 27 नोव्हेंबराक श्री पांडुरंग प्रासादीक नाट्य मंडळ, विठ्ठलापूर सांखळी ही संस्था जयवंत दळवी हांणी बरयल्लें ‘संसारगाथा’ नाटक सादर करतली. 28 नोव्हेंबराक जयवंत दळवी हांणी बरयल्लें ‘बॅरिस्टर’ हें नाटक कालिका थिएटर्स, कळंगूट बार्देस ही संस्था सादर करतली. अर्पण क्रिएशन्स, मडगांव हे संस्थे वतीन हर्,ला बोरकार हांणी बरयल्लें ‘द अदर सायड’ हें नाटक29 नोव्हेंबराक सादर जातलें. प्रा. प्रकाश वजरीकार हांणी बरयल्लें ‘बुरूज ढासळताना’ हें नाटक 30 नोव्हेंबराक द हावसींग बोर्ड कॉलनी रेसिडेन्स असोसिएशन, हरवळें सांकळी ही संस्था सादर करतली.
2 डिसेंबराक डॉ. नरेश नायक हांणी बरयल्लें ‘ना- त्याची गोष्ट’ ह्या नाटकाचो प्रयोग कण्व क्रिएशन्स, श्रीस्थळ काणकोण ही संस्था सादर करतली. 3 डिसेंबराक महाबळेश्वर रेडकार हांणी बरयल्लें ‘तो मृत्युजय एक’ हें नाटक श्री देवी भगवती क्रिडा आणि सांस्कृतीक मंडळ, पेडणें ही संस्था सादर कतली. चौरंग, नागेशी बांदोडें- फोंडें ही संस्था वासुदेव वा. खरे हांणी बरयल्ल्या आनी प्रा. विजयानंद वि. नागेशकार हांणी अनुसर्जीत केल्ल्या ‘शिवसंभव’ ह्या नाटकाचो प्रयोग 4 डिसेंबराक जातलो. 5 डिसेंबराक शेखर ताम्हाणे हांणी बरयल्ल्या ‘सविता दामोदर परांजपे’ ह्या नाटकाचो प्रयोग नागेश कला मंच, नागेशी, बांदोडें ही संस्था सादर करतली. 6 डिसेंबराक सर्तीचो समारोप सांस्कृतीक कला मंच, सांगें हे संस्थेच्या केदार देसाय हांणी बरयल्ल्या ‘बाकी शुन्य’ ह्या नाटकान जातलो. सर्ती खातीरच्यो 100 रुपयांच्यो प्रवेशिका सांखळेच्या रवीन्द्र भवनाच्या तिकेट कावंटराचेर मेळयल्यो, हाची नाट्य रसिकांनी नोंद घेवची अशें कला अकादमीन कळयलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
