भांगरभूंय | प्रतिनिधी
पणजी, प्रतिनिधी : कला अकादमीच्या भारतीय संगीत आनी नाच विभागान विवीध अभ्यासक्रमां खातीर विद्यार्थ्यां कडल्यान प्रवेश अर्ज मागयल्यात. हे अर्ज २०२४ च्या शिक्षणीक वर्सा खातीर आसतले.
ह्या अभ्यासक्रमांत भारतीय शास्त्रीय गायन, हार्मोनियम, तबलावादन, भरतनाट्यम, कथ्थक नाच अश्या जायत्या तरांचें प्रशिक्षण दितले. पयल्या वर्साच्या प्रवेशा खातीर पिरायेची मर्यादा १० वर्सां आसतली. ३१ डिसेंबर २०२३ मेरेन १० वर्सां पिराय हुपिल्ल्यांनीच ह्या अभ्यासक्रमां खातीर अर्ज करचे. चडांत चड पिराय ३५ वर्सां आसतली.
इत्सुकांक अर्ज आनी म्हायती पत्रक १६ ऑक्टोबर ते २० नोव्हेंबर ह्या काळांत सकाळचीं १० ते १ आनी दनपरां २ ते ४ वरां मेरेन कला अकादमीच्या लेखा विभागांत मेळटले. पुराय भरिल्ले अर्ज २० नोव्हेंबराक सांजेवेळार ४ वरां मेरेन जल्मदाखल्या सयत आदलें सचिवालय पणजी, लेखा संचालनालया मुखार, पणजी ह्या नाम्यार सादर करचे. निमाणे मुजती उपरांत अर्ज स्विकारचे नात.
वयल्या विशयां खातीरची नेमणूक २७ नोव्हेंबर (दनपरां २ ते सांजेवेळार ५ वरां मेरेन) आनी २८ नोव्हेंबर तबलें, शास्त्रीय गायन पेटी तशेंच भरतनाट्यम आनी कथ्थक नाच (सकाळीं १० ते दनपरां १) आनी (दनपरां २ ते सांजेवेळार ६ वरां मेरेन) कला अकादमीचो हिंदुस्थानी संगीत आनी नाच विभाग हो गव्हर्मेन्ट पॉलिटॅक्नीक क्वाटर्स आल्तीनो पणजी हांगां स्थलांतरीत केला.
क्वाॅटर्स नं. डी- २- १ आनी डी- २- २ (भरतनाट्यम आनी कथ्थक) क्वाॅटर्स नं डी- ३- १ आनी डी- ३- ३ (शास्त्रीय गायन, पेटी आनी तबलें) हांगा हे वर्ग सुरू जाल्यात. निवड चांचणी वयले सुवातेर जातली हाची नोंद घेवची. कला अकादमीच्या पेडणें, वाळपय, सांखळे, काणकोण, केपें आनी सांगेंच्या संगीत केंद्रांत शास्त्रीय गायन, तबलें आनी पेटी वादनाचें प्रशिक्षण दितात. विद्यार्थ्यांनी प्रवेशा खातीर थंयच्या केंद्र मुखेल्या कडेन २० नोव्हेंबर ते १५ डिसेंबर ह्या काळांत संपर्क करचो.
| क्र. | केंद्र | केंद्र मुखेली | मोबायल नंबर |
| 1 | पेडणें | राजू बर्वे | 9145042283 |
| 2 | साखळें | प्रचला आमोणकार | 7507741815 |
| 3 | वाळपय | नारायण मेस्त | 9405986081 |
| 4 | केपें | अमित भोसले | 7083229953 |
| 5 | सांगें | समृध्दि थळी | 9359132990 |
| 6 | काणकोण | नितु महाले | 9075088228 |
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
