भांगरभूंय | प्रतिनिधी
श्रीमान दामोदर पंत नाटक अर्द वर उसरां सुरू जालें
पणजीः कला अकादेमीच्या सभाघरांतलो एसी इबाडिल्ल्यान श्रीमान दामोदर पंत हें नाटक पाऊण वर उसरां सुरू जालें. आयतारा दनपारां 3:30 वरांचेर हें नाटक सुरू जावपाचें आशिल्लें, पूण तो सांजवेळा 4:15 वरांचेर सुरू जाले.
फाटल्या आयतारा कला अकादेमींत शरद पोंक्षेच्या पुरुष नाटक चालू आसतना लायटी पिकपिकताल्यो. मागीर नाटक मदींच थांबवचें पडलें. हे घडणुके उपरांत एका सप्तका उपरांत भरत जाधव हांचें श्रीमान दामोदर पंत नाटक सुरू जावचे पयलीं एसी मोडलो. तो दुरुस्त जावपाक अर्द वरा परस चड वेळ लागलो. हाका लागून तिकेट घेतिल्ल्यांक निराश जावचेंच पडलें. प्रयोग सुरू जाले उपरांत लेगीत सभाघरांत थंड हवा येवंक नाशिल्ली अशें प्रेक्षकांनी सांगलें.
लायटी, साउंड सिस्टम, एसी हातूंत दोश आशिल्ल्यान कलाकारांनी कागाळ केल्या. हे कागाळीचें सत्य नाटकाक आयिल्ल्या प्रेक्षकांक अणभवपाक मेळ्ळें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
