कला अकादमीचे कोंकणी नाटक सर्तींत ‘द इन्सिडियस’ पयलें

भांगरभूंय | प्रतिनिधी

‘फायनल ड्राफ्ट’ दुसरें जाल्यार ‘अनकन्डीशनल लव्ह’ तिसरें

भांगरभूंय । खबरां मेज

पणजी : कला अकादमी गोंयचे 49 वे कोंकणी नाटक सर्तींत भोमा फोंडेंचे सत्यम शिवम सुंदरम नाट्य संपदा संस्थेन सादर केल्ल्या ‘द इन्सिडियस’ नाटकाक एका लाखाचें पयलें इनाम फावो जालें. सर्तींतलें 75 हजारांचें दुसरें इनाम बांदिवडेचे श्री नागेश महालक्ष्मी प्रासादीक नाट्यसमाज संस्थेन सादर केल्ल्या ‘फायनल ड्राफ्ट’ नाटकाक जाल्यार तिसरें इनाम गांवडोंगरी – काणकोणचे पहाट संस्थेन सादर केल्ल्या ‘अनकन्डीशनल लव्ह’ नाटकाक तिसरें इनाम फावो जालें. बांदोडेंच्या अंत्रुज घुडयो संस्थेन सादर केल्ल्या ‘डॅडी’ आनी पणजेचे मुष्टीफंड संस्थेन सादर केल्ल्या ‘सुरींग’ नाटकाक दरेकी उमेद वाडोवपी 25 हजारांचीं इनामां फावो जालीं.

दिग्दर्शना खातीर 10 रुपयांचें पयलें इनाम शेफाली संदीप रेश्मा नायक (द इन्सिडियस), 7 हजारांचें दुसरें इनाम दयानंद गायक (फायनल ड्राफ्ट) आनी सुशांत नायक (अनकन्डीशनल लव्ह) हाका 5 हजार रुपयांचें तिसरें इनाम फावो जालें.

वैयक्तीक अभिनया खातीर (दादले) पयलें 7 हजार रुपयांचें इनाम सुशांत नायक (प्रोफेसर. फायनल ड्राफ्ट) आनी दुसरें 5 हजार रुपयांचें इनाम दयानंद गायक (महेंद्र. अनकन्डीशनल लव्ह) हाका फावो जालें. दादल्यांच्या गटांत अभिनया खातीर प्रमाणपत्रां- संतोष शेटकार (जुजे. सुरींग), दयानंद राणे (भैरव. राकेस), शाबलो गांवकार (सुत्रधार/ आडसरकार 1 आनी 3/  राखणो/ बेबदो/ आयदनकार. फुक्या सोवाय), श्रवण फोंडेंकार (सावकार/ भिको. फुक्या सोवाय), सुरेल तिळवे (डॅडी. डॅडी), चंद्रकांत मांजरेकार (शांताराम. युगान्त), अनील वेर्णेंकार (गांवकरी. घट्टण कोणाचें?), कुंदन गांवस (अविनाश. साद अंतर मनाचो), दुर्गादास नारू नायक (दादी. उठा गा देवा), गुरुदास नायक (दुमींग पाय. डॅडी), लौकीक देसाय (अनिकेत. सुरींग) आनी खाशेली शिफारस दिव्यांग कामत (सलीम. डॅडी) हांकां फावो जालीं.

वैयक्तीक अभिनया खातीर बायलांच्या गटांत पयलें 7 हजार रुपयांचें इनाम शेफाली संदीप नायक (मुग्धा. द इन्सिडियस) आनी 5 हजारांचें दुसरें इनाम डॉ. संस्कृती रायकार (चली. फायनल ड्राफ्ट) हाका फावो जालें. अभिनया खातीर प्रमाणपत्रां- गिरीजा नायक (मिना. अनकन्डीशनल लव्ह), माधुरी शेटकार (लुसी. बे-रंगारी), दुर्गा देसाय (सुत्रधार. फुक्या सोवाय), आलिशा मिनेझीस (मायरान. सुरींग), खिलौनी गांवस चांदेलकार (चांडाळी. राकेस), साईली नायक (ऑल्वींगबाय. लांवां-भुतां), खुशबू कवळेंकार (मम्मी. डॅडी), दुर्वा दुर्गादास नायक (चिमणी. उठ गा देवा), करुणा च्यारी (निमा. युगान्त), मुस्कान कामत (लता. डॅडी) आनी चंद्रकला मळीक (सीमा. घट्टाण कोणाचें?) हांकां फावो जालीं.

नेपथ्या खातीरचें 5 हजार रुपयांचें इनाम राजन नायक (द इन्सिडियस) नाटका खातीर फावो जालें जाल्यार प्रमाणपत्र डॅडी नाटका कातीर नोहीत विश्वकर्मा हाका फावो जालें. वेशभुशे खातीरचें 5 हजारांचें उनाम बिना कामत शंखवाळकार (सुरींग) आनी प्रमाणपत्र रोशन देसाय (राकस) हाका मेळ्ळें. उजवाड येवजणे खातीरचें 5 हजारांचें इनाम तेजस खेडेकार (द इन्सिडियस) आनी प्रमाणपत्र सदानंद वळवकार (डॅडी) हाका जाहीर जालें. रंगभुशे खातीर 5 हजाराचें इनाम प्रेमानंद पोळे (बे-रंगारी) आनी प्रमाणपत्र रामा राऊत (घट्टण कोणाचें?) हाका तशेंच पार्श्वसंगिता खातीरचें 5 हजारांचें इनाम दिलीप वझे (द इन्सिडियस) आनी प्रमाणपत्र सागर गांवस (साद अंतर मनाचो) हाका फावो जालें.

लेखना खातीर (खास सर्ती खातीर बरयल्ल्यो नव्यो संहिता) पयलें 10 हजार रुपयांचें इनाम वैभव गोविंद कवळेंकार (द इन्सिडीयस) आनी 7 हजारांचें दुसरें इनाम अविनाश च्यारी (आमचां कूळ) हाका फावो जालें. खासा सर्ती खातीर अणकारीत/ रुपांतरीत केल्ले संहिते खातीर दवरिल्लें 10 हजार रुपयांचें इनाम मुकेस थळी (फायनल ड्राफ्ट) हाका मेळ्ळें. आनंद मासूर, राजीव हेदे आनी दिलीप धारगळकार हांणी सर्तीचें परिक्षक म्हूण काम पळयलें.