भांगरभूंय | प्रतिनिधी
पणजी : कलम 39 (ए) आड आनी आमदार विरेश बोरकार हांकां फरफटत कार्यालया भायर काडपी पुलिसांचेर कारवाय करपाचे मागणे खातीर सुरू केल्लें आंदोलन आयज मंगळाराय पणजेच्या आझाद मैदानार चालू आसा. हॉस्पिटलांत उपचार घेवपी आमदार बोरकार आनी तुषार गांवस आयज सकाळीं 11 वरांचेर आंदोलनांत वांटेकार जाले.
आमदार बोरकार आनी गांवस हांकां काल रातीं हॉस्पिटलांत दाखल केल्ले. फाटले कांय दीस चलपी हें आंदोलन सोमारा खर रूप घेतिल्लें. पुलिसांक आयकनासतना आंदोलनकर्त्यांनी मंत्री विश्वजीत राणे हांच्या दोनापावलाच्या खाजगी बंगल्या मुखार बसून आंदोलन केल्लें. रातीं उसरां मेरेन ते थंय आशिल्ले.
मजगतीं, सध्या हें आंदोलन गोंयांत सगले कडेन पातळिल्ल्यान विवीध पांवड्या वेल्यान ताका समर्थन मेळपाक लागलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
