भांगरभूंय | प्रतिनिधी
नवी दिल्ली, खबरां संस्था ः केंद्रीय अर्थमंत्री निर्मला सीतारमण हांणी आयज संसदेंत मोदी सरकाराच्या दुसऱ्या कार्यकाळाचो अंतरीम अर्थसंकल्प सादर केलो. ते वेळार कांय म्हत्वाच्यो घोशणा केल्यो. तांतूत एक म्हळ्यार कर स्लॅबांत बदल जावंक ना. सध्या 7 लाखां मेरेनचे येणावळीचेर कसलोच कर लायनात. तो तसोच उरतलो. इतलेंच न्हय तर बेगोबेग कर परतावो मेळोवपा खातीर सरकारान म्हत्वाचो निर्णय घेतला. ते प्रमाण 25 हजार मेरेन डायरेक्ट टॅक्स डिमांड फाटीं घेतले. हाचो थेट 1 कोटी लोकांक फायदो जातलो असो दावो अर्थमंत्री सीतारमण हांणी केला.
आयज तांणी फाटोफाट सवें खेपे संसदेंत अर्थसंकल्प सादर केलो. प्रधानमंत्री आवास येवजणे खाला बेघरांक घरां दिवपाचो सरकाराचो हेत आसा. सध्या हे येवजणे खाला 2 कोटी लोकांक घरां दिल्यांत. फुडाराक आनीक 1 कोटी लोकांक घरां दितले. अशे तरेन 3 कोटी लोकांक आपलें हक्काचे घर मेळटलें अशें सीतारमण हांणी स्पश्ट केलें.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
