भांगरभूंय | प्रतिनिधी
पणजी : कर्मचारी भरती आयोगान तांत्रीक साहाय्यक पदां खातीर घेतिल्ले सीबीटीचे निमाणो निकाल परीक्षे उपरांत 20 दिसांनी जाहीर केलो. सीवील, मेकॅनिकल/ इलेक्ट्रीकल, कॉम्प्युटर/इलेक्ट्रॉनिक्स फांट्यांतले तांत्रीक सहाय्यकांचीं पदां भरपा खातीर आयोगान 13 आनी 14 सप्टेंबराक परीक्षा घेतिल्ली. परीक्षेचो सविस्तर निकाल आयोगाचे वेबसायटीचेर उपलब्ध आसा.
कर्मचारी भरती आयोगान तांत्रीक साहाय्यक (सीवील) 57 पदां, तांत्रीक साहाय्यक (मेकॅनिकल/इलेक्ट्रीकल) 4 पदां, तांत्रीक साहाय्यक (कॉम्प्युटर/ इलेक्ट्रॉनिक्स) आनी तांत्रीक अधिकारी मेळून 6 पदां भरपा खातीर आयोगान 2 मे 2025 दिसा जायरात दिल्ली. जायराती उपरांत चारम्हयन्यांनी सीबीटी परीक्षा जाली आनी रोखडोच निमाणो निकाल जाहीर जालो.
तांत्रिक साहाय्यक (सीवील) परीक्षे खातीर 423, मेकॅनिकल/इलेक्ट्रिकलच्या परीक्षे खातीर 50 जाल्यार तांत्रिक साहाय्यक (कॉम्प्युटर/इलेक्ट्रॉनिक, तांत्रिक अधिकारी) पदा खातीर 52 उमेदवारांनी परीक्षा दिल्ली.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
