भांगरभूंय | प्रतिनिधी
बेळगांव : उत्तर कर्नाटकांतल्या मुकुंदा- सिंधनूर गांवांतल्या लोकां खातीर तुंगभद्रा न्हंय व्हांवतना निमणे संस्कार करप म्हणल्यार त्रासाचें थारता. काल बिरेस्तारा एक जाण्टे बायलेक मरण आयलें. तिचे निमणे संस्कार करपाक गावकारांनी तात्पुरतो पालथो तयार करून तिची कूड खांद्यार घेत व्हांवपी न्हंयेंतल्यान पेंवत मसुडेंत व्हेली.
तिची कूड खांद्यार घेत ‘हरिगोलू’वेल्यान न्हंय पार करपी दादल्यांचो व्हिडियो सोशल मिडियाचेर व्हायरल जाला.
मसंडभूंय न्हंयेचे देगेर आसा. पावसांत ही समस्या सेगीत निर्माण जाल्ल्यान पर्यायी वेवस्थे खातीर शासना कडेन सेगीत मागणी करूनय कांयच कारवाय जावंक ना, अशें थळाव्यांनी सांगलें.
तुंगभद्रा धरणांतल्यान न्हंयेंत उदक सोडलें काय जुंव्यार आशिल्ले मसंडभूंयें मेरेन पावपा खातीर ‘हरिगोलू’चो आदार घेवचो पडटा. कूड घेवन गांवच्या लोकांक पेंवत बेटार वच्चें पडटा आनी थंय निमाणे संस्कार करचे पडटात.
ही समस्या बेगोबेग सोडून हाचेर पर्यायी वेवस्था करची, अशी मागणी ग्रामस्थांनी केल्या.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
