भांगरभूंय | प्रतिनिधी
मंड्या (कर्नाटक), खबरां संस्था : मड्डूर शारांत आयतारा रातीं गणेश विसर्जन मिरवणुके मजगतीं दोन गटांत जाल्ल्या जाल्ले फातर शेवटुपाचे घडणुके वेळार आठ जाण जखमी जाले. ह्या प्रकरणांत पुलिसांनी २१ जाणांक अटक केली. हाका लागून शारांत ताणाचें वातावरण निर्माण जालां.
पुलिसांनी दिल्ले म्हायती प्रमाण, सिद्धार्थनगर ५ वो क्रॉस हांगाच्यान भायर सरिल्ली मिरवणूक रातीं सुमार आठ वरांचेर राम रहिम नगरांतल्या मशिदी लागसार पावली तेन्ना कांय जाणांनी फातर शेवटून मारले. ताका जाप दिवचे खातीर दुसऱ्या गटान मशिदी वटेन फातर शेंवटीले. हातूंत दोनूय पंगड एकामीका मुखार आयले आनी गणपती विसर्जना वेळार बोवाळ निर्माण जालो.
ह्या वेळार पुलिसांनी बेगोबेग हस्तक्षेप करून परिस्थिती नियंत्रणांत हाडली. जिल्लो पुलीस अधीक्षकांनी दिल्ले म्हायती प्रमाण, हे घडणुकेंत आतां मेरेन २१ जणांक अटक केल्या. तशेंच आनीक पुलीस बंदोबस्त तैनात केला. गृहमंत्री जी. परमेश्वर हांणी म्हणलें, मड्डूर हांगां फातर शेवटुपाची घडणूक घडली. तरी पुलिसांनी वेळार पावन परिस्थिती नियंत्रणांत हाडली. कांय जाणांक अटकूय जाल्या. कलम १४४ लागू केलां.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
