भांगरभूंय | प्रतिनिधी
कोवरकोली इद्रेश, खबरां संस्था: कर्नाटकांत एका वेगळ्याच बदलाचें ल्हार आयलां. बाबत रस्त्यांची कागाळ करून करून उबगल्ल्या लोकांनी स्वताचे रस्ते बांदपाक सुरू केलां. हाका लागून ते देणग्यो एकठांय करतात आनी स्वयं सेवा करतात. हाचो परिणाम म्हळ्यार, ज्या बाबत रस्त्यां विशीं ते फाटल्या कितल्याशाच वर्सां सावन सरकारा कडेन कागाळ करताले ते आतां एका दिसानूच दुरुस्त जातात.
हाचें उदाहरण म्हळ्यार, चिक्कमंगलूर जिल्ह्यांतल्या श्रुंगी लागसारच्या भारतीयनूर आनी बाणशंकरी हांगच्या लोकांनी १५.७५ लाख रुपया एकठांय केले आनी २८६ मिटर लांबायेचो रस्तो स्वताच बांदलो. हसन जिल्ह्यांतल्या मत्स्यशाला गांवांत एका मनशान ४ ट्रक विटो आनी फातर दान केले. उपरांत, गांवच्या लोकां देणग्यो एकठांय केल्यो आनी तांचें श्रमदान करून रस्तो बांदलो. गांवांतले पांडियन डी म्हणटात – आमकां आमच्या फुडार्यांची लज दिसता.
राज्यांतल्या स जिल्ह्यांतल्या सात गांवांनी लोकांनी स्वता रस्ते बांदल्यात. हातूंत गडग, धारवाड, शिवमोगा, कोडगू, कोप्पल आनी हसन जिल्ल्यांचो आसपाव आसा. हातूंतय सरकारी वेवस्थेक उबगल्ल्या सामान्य लोकांनी स्वताच रस्ते बांदपा खातीर फुडाकार घेतला.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
