भांगरभूंय | प्रतिनिधी
जनगणनेक आव्हान दिवपी याचिकेचेर सुनावणीय चलता
बंगळुरू, खबरां संस्था: कर्नाटक उच्च न्यायालयांत आयज राज्यांत जावपी जातीय जनगणनेक आव्हान दिवपी जनहीत याचिकेचेर सुनावणी जातली. याचिकेंत जातीय जनगणने फाटल्यान राजकी हेतू आशिल्ल्याचो आरोप केला. तशेंच, राज्य सरकाराचो असो दावो आसा, कल्याणकारी कार्यावळीं खातीर ही म्हायती गरजेची.
मुखेल न्यायाधीश विभू बाखरू आनी न्यायमूर्ती सीएम जोशी हांचें खंडपीठ अंतरिम स्थगितीच्या अपीलाचेर सुनावणी करतलें. जातीय जनगणनेक स्थगिती दिवची काय ना हाचो निर्णय सुनावणे मजगती घेवपाक शकता.
मजगतीं, समाजीक आनी शिक्षणीक सर्वेक्षण (SES), जाका जात जनगणना म्हणूनय वळखता, सोमारा कर्नाटकांत सुरू जाले. प्रशिक्षणाक लागून ग्रेटर बंगळुरू वाठारांत सर्वेक्षण एक वा दोन दिसांनी लांबोवपाची अपेक्षा आसा. हें सर्वेक्षण ७ ऑक्टोबर मेरेन सुरू उरतलें.
७ कोटी लोकांचें सर्वेक्षण
कर्नाटक राज्य मागासवर्ग आयोग हें सर्वेक्षण करतात. हातूंत १.७५ लाख कर्मचारी, चडशे सरकारी शाळेंतले शिक्षक हांचो आसपाव आसतलो, जे राज्यांतले सुमार २ कोटी कुटुंबांतले सुमार ७ कोटी लोकांक आसपावन घेतले. आयोग डिसेंबर मेरेन सरकाराक आपलो अहवाल सादर करतले अशी अपेक्षा आसा.
४२० कोटी रुपयांचें हें सर्वेक्षण शास्त्रीय पद्धतीन करतले. हातूंत ६० प्रस्नांचो आसपाव आसा. दोट्टी वळख आशिल्ल्यो जाती, म्हळ्यारूच हिंदू आनी क्रिस्तांव दोनूय नांवां आशिल्ल्यो जाती, अॅपांत दाखोवचे नात. कुरुबा क्रिस्तांव आनी ब्राह्मण क्रिस्तांव सारकिल्ल्या दोट्टी वळख आशिल्ल्या जातींचो आसपाव आशिल्ल्या जातींचीं नांवां लिपयतले, मात तीं काडून उडोवचे नात.
सर्वेक्षणा खातीर वापरपी अॅपांत दोट्टी वळख आशिल्ल्यो ३३ जाती प्रदर्शीत जावच्यो ना. कारण त्यो लिपयल्यात. तशेंच, लोक इत्सुक आसल्यार तांची जातीय वळख उक्ती करपाक शकतात.
खिणाखिणाक ताज्यो घडणुको आनी तुमचे कडेन संबंदीत दरेक खबर मेळयात एका क्लिकाचेर! फेसबूक, ट्विटराचेर आमकां फॉलो करात आनी व्हाट्सएप सबस्क्रायब करपाक विसरूं नाकात.
